जनप्रतिनिधिको बेवास्ता र लापरबाहीका कारण झापामा निःशुल्क मिटरको लाखौं बजेट फिर्ता भएको छ । झापाका अधिकांश विपन्न परिवारले विद्युत्को निःशुल्क मिटर पाउन सकेनन् । नेपाल विद्युत् प्राधिकरणले मिटर नभएका विपन्न परिवारको विवरणसहित निवेदन पठाउन सबै वडा कार्यालयसँग आह्वान गरेको थियो । तर, जिल्लाका अधिकांश वडाध्यक्षले वास्तै नगरेकै कारण बजेट फिर्ता भएको हो । केहीले चासो लिए पनि लापरबाही गर्दै विवरण पठाएको नेपाल विद्युत् प्राधिकरण बिर्तामोड शाखाले जनाएको छ ।
