चैत २, काठमाडौं । आशा लघुवित्त वित्तीय संस्थाले संस्थापक शेयर विक्री गर्ने भएको छ ।
कम्पनीका केही संस्थापक शेयरधनीले आफ्नो नाममा रहेको संस्थापक शेयर विक्री गर्न निवेदन दिएको भन्दै कम्पनीले संस्थापकतर्फको शेयर विक्री गर्न लागेको हो ।
कम्पनीले संस्थापक शेयर खरीद गर्न इच्छुक हाल कायम रहेका संस्थापक शेयरधनीहरुलाई नै पहिलो प्राथमिकता दिनुपर्ने व्यवस्था अनुरुप सूचना प्रकाशित भएको मितिले ३५ दिनभित्र आवश्यक कागजातसहित नुवाकोटस्थित केन्द्रीय कार्यालयमा सम्पर्क गर्न भनेको छ ।
तोकिएको समयावधिमा संस्थापक शेयरधनीको तर्फबाट निवेदन नआएमा प्रचलित नियमानुसार अन्य कम्पनी तथा व्यक्तिलाई विक्री गर्ने पनि कम्पनीले बताएको छ । कम्पनीले शेयर संख्या र विक्री गर्ने मूल्य बारे केहि खुलाएको छैन ।
