अख्तियार दुरुपयोग अनुसन्धान आयोगले रोल्पाको गंगादेव गाउँपालिकाका इन्जिनियर नविन डाँगीलाई नियन्त्रणमा लिएको छ । अख्तियारले शुक्रबार इन्जिनियर डाँगीले मोटरबाटो निर्माण योजनाको नापी किताब, बिल तयार गरिदिए वापत सेवाग्राहीसँग घुस रकम माग गरेको आरोपमा नियन्त्रणमा लिएको हो । सेवाग्राहीसँग लिएको पचास हजार रुपैयाँसहित डाँगीलाई नियन्त्रणमा लिएको अख्तियारले जनाएको छ ।
