मोरङको कसेनीस्थित लोहान्द्रा खोलामा पुल निर्माण नहुँदा स्थानीयलाई आवतजावतमा समस्या भएको छ ।
दुई वर्षअघिको बाढीले पुल बगाएपछि वर्षायाममा मात्रै होइन हिउँदमा समेत आवतजावत गर्न समस्या भएको छ । चतरा नहर बनाउँदा भारतले खोलामा पुल बनाइदिएको थियो । जीर्ण अवस्थामा पुगेको पुल बाढीले बगाउँदा पूर्वी मोरङका साविक आधा दर्जन गाविसका बासिन्दालाई सदरमुकाम विराटनगर आउन कठिनाइ भएको छ ।
