काठमाडौं । आरम्भ चौतारी लघुवित्त वित्तीय संस्था लिमिटेडले चैत ३० गते सातौं वार्षिक साधारण सभा गर्ने भएको छ ।
सभा बनेपा पार्टी भेन्यु बनेपा-८ काभ्रेपलाञ्चोकमा बिहान ११ बजे शुरू हुने कम्पनीले जानकारी दिएको हो । सभाले गत आर्थिक वर्षको वार्षिक प्रतिवेदन छलफलउपर गरी पारित गर्नुका साथै चालू आवको लेखापरीक्षण गर्नका लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।
त्यस्तै सभाले भविष्यमा यस कम्पनीले अन्य इजाजत प्राप्त लघुवित्त वित्तीय संस्थालाई गाभ्ने/गाभिने वा प्राप्ति गर्न उपयुक्त देखिएमा सोसँग सम्बन्धित आवश्यक सम्पूर्ण कार्य अगाडि बढाउन सञ्चालक समितिलाई अख्तियारी प्रदान गर्ने प्रस्ताव पनि पारित गर्नेछ ।
यस वर्ष कम्पनीले शेयरधनीलाई कुनै पनि लाभांश प्रस्ताव गरेको छैन । सोही कारण यस वर्ष शेयरधनीको हात खाली हुने भएको छ । अघिल्लो आवको मुनाफाबाट भने गत वर्ष कम्पनीले शेयरधनीलाई २१ प्रतिशत बोनस शेयर वितरण गरेको थियो ।
सातौं वार्षिक साधारण सभा प्रयोजनको लागि कम्पनीले चैत २० गते बुक क्लोज गर्ने जानकारी दिएको छ । यसको आधारमा चैत १९ गतेसम्म कायम शेयरधनीले साधारण सभामा भाग लिन सक्नेछन् ।
साधारण सभाको सूचना हेर्न यहाँ क्लिक गर्नुहोस्
