काठमाडौँ । अखिल नेपाल युवक सङ्घले आगामी फागुन १० गते मसाल जुलुस र फागुन १५ गते देशव्यापी विरोधसभा गर्ने भएको छ ।
सरकारको जनविरोधी कदमका विरुद्ध युवक सङ्घले सो कार्यक्रम गर्न लागेको हो ।
युवक सङ्घका अध्यक्ष अनिलकिशोर घिमिरेको हस्ताक्षरमा २०७७ माघ १८ गते जारी प्रेसविज्ञप्तिमा सो जानकारी दिइएको छ ।
विज्ञप्तिमा यही माघ १६ र १७ गते बुटवलमा सम्पन्न बैठकले सो निर्णय गरेको जानकारी दिइएको हो ।
केपी ओली सरकारको प्रतिनिधि सभा विघटन गर्ने प्रतिगमनकारी, असंवैधानिक र अलोकतान्त्रिक कदमको विरोधका साथै विभिन्न समसामयिक र आन्तरिक सङ्गठनसम्बन्धी निर्णय गरिएको जानकारी दिइएको सो प्रेसविज्ञप्तिको पूर्ण पाठ यस्तो छ–
“अखिल नेपाल युवक सङ्घको केन्द्रीय समितिको बैठक यही माघ १६ र १७ गते बुटवलमा सम्पन्न भएको छ । बैठकले गरेका निर्णयहरूको जानकारीका लागि यो विज्ञप्ति जारी गरिएको छ ।
१. बैठकले वर्तमान ओली सरकारको प्रतिनिधि सभा विघटन गर्ने प्रतिगमनकारी, असंवैधानिक र अलोकतान्त्रिक कदमको घोर विरोध गर्दै तत्काल प्रतिनिधि सभा पुनःस्थापना गर्न जोडदार माग गरेको छ ।
२. कोभिड र असुरक्षित श्रमबजारको कारण देशभित्र र विदेशमा रहेका नेपाली श्रमिक युवामा गम्भीर प्रभाव पारेको छ। युवा रोजगारीको समुचित प्रबन्ध गरी देशभित्रै सुरक्षित काम गर्ने वातावरण बनाउन बैठकले सरकारसँग माग गरेको छ ।
३. देशमा राजनैतिक अस्थिरता र अन्यौलताको फाइदा उठाउँदै विदेशी चलखेल र हस्तक्षेप बढ्दै गएको छ । संस्थागत भ्रष्टाचार मौलाउँदै गएको छ । महङ्गी बढेको छ । जनताले कोभिड महामारीको बिचमा पनि स्वास्थ्य सुविधाको सहुलियत प्राप्त गर्न सकेका छैनन् । मेडिकल माफियाहरूले राज्य सञ्चालकहरूकै मिलेमतोमा स्वास्थ्य सामग्री खरिदमा भ्रष्टाचार गर्ने र जनस्वास्थ्यमाथि खेलवाड गर्ने काम गरेका छन् । एकातिर, कोभिडको खोप उपलब्ध गराउन सरकारले पैसाको अभाव देखाएको छ भने अर्कोतिर चुनावको बेमौसमी बाजा बजाएर अर्बौं पैसा सकाउने योजना बनाएको छ । हामीले यी जनविरोधी हर्कत्हरूको घोर भत्र्सना गर्दछौँ ।
४. सरकारका जनविरोधी कदमको विरुद्धमा आगामी फागुन १० गते देशभर मसाल जुलुस र फागुन १५ गते देशव्यापी विरोधसभा गर्ने ठेगान भएको छ ।
५. सङ्गठनको ...
