१४ लाख २८ हजारले भरे सिवाईसी नेपाल लघुवित्तको आईपीओ, मागभन्दा ४४.२३ गुणा बढी आवेदन

वैशाख ४, काठमाडौं । सिवाईसी नेपाल लघुवित्त वित्तीय संस्थाको आईपीओमा आइतवारसम्म मागभन्दा ४४ दशमलव २३ गुणा बढी आवेदन परेको छ । सिडिएस एण्ड क्लियरिङ्गका अनुसार आइतवार साँझ ५ बजेर २ मिनेटसम्म १४ लाख २८ हजार ४४२ जनाले १ अर्ब ६३ करोड ४४ लाख ८३ हजार रुपैयाँ बराबरको १ करोड ६३ लाख ४४ हजार ८३० कित्ताका लागि आवेदन दिएका हुन् । कम्पनीले वैशाख २ गतेदेखि ३ लाख ९५ हजार ३३६ कित्ता आईपीओ विक्री खुला गरेको हो । जसमध्ये १९ हजार ७६६ कित्ता सामूहिक लगानी कोषको लागि, ६ हजार २ कित्ता कर्मचारीहरुको लागि छुट्याएको र बाँकी रहेको ३ लाख ६९ हजार ४ ८८ कित्ताका लागि सर्वसाधारणले आवेदन दिन सक्नेछन् । उक्त आईपीओमा आवेदकले वैशाख ६ गतेसम्म आवेदन दिन सक्नेछन् । उक्त आईपीओमा न्यूनतम १० कित्ता र अधिकतम १ हजार कित्ताका लागि आवेदन दिन सकिनेछ । आवेदकले सि आस्बा प्राप्त बैंक तथा वित्तीय संस्था र मेरो शेयरमार्फत पनि आवेदन दिन सक्नेछन् । विक्री प्रबन्धकमा ग्लोबल आइएमई क्यापिटल लिमिटेड रहेको छ । कम्पनीले निष्कासन गरिरहेको आईपीओलाई रेटिङ एजेन्सी केयर रेटिङ नेपालले केयर एनपी डबल माइनस रेटिङ प्रदान गरेको छ । यस्तो रेटिङले कम्पनीको दायित्व बहन गर्ने क्षमतामा औषत जोखिम रहेको देखाउछ । कम्पनीको आर्थिक वर्ष ०७७/७८ सम्मको वास्तविक सञ्चित नाफा रू. ६ करोड ३१ लाखभन्दा बढी छ । सो अवधिसम्म प्रतिशेयर आम्दानी रू. ६२ दशमलव ७४ रहेको कम्पनीको प्रतिशेयर नेटवर्थ रू. ३४४ दशमलव ३६ रहेको छ ।

पूर्ण विवरण

सम्बन्धित सामग्री

सिवाईसी नेपाल लघुवित्तको आईपीओले पहिलो कारोबारको लागि कति पाउला त ओपन रेञ्ज ?

वैशाख २० काठमाडौं । सिवाईसी नेपाल लघुवित्त वित्तीय संस्थाको आईपीओले पहिलो कारोबारको लागि ओपन रेञ्ज रू. ३४४ दशमलव ३६ देखि १ हजार ३३ दशमलव शून्य ८ पाउने देखिएको छ । कम्पनीको २०७७/७८ कोे वास्तविक प्रतिशेयर नेटवर्थ रू. ३४४ दशमलव ३६ रहेकाले उक्त रेञ्ज पाउने देखिएको हो । नेप्सेले कम्पनीको पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गर्दछ सोही कारण उक्त मूल्य रेञ्ज पाउने देखिएको हो । कम्पनीको आईपीओ सूचीकरण प्रक्रियामा रहेको छ । कम्पनीले वैशाख २ गतेदेखि ६ गतेसम्म ३ लाख ९५ हजार ३३६ कित्ता आईपीओ निष्कासन गरेको थियो । जसमध्ये ६ हजार २ कित्ता कर्मचारीकोे लागि छुट्याएको, १९ हजार ७६६ कित्ता सामुहिक लगानी कोषको लागि छुट्याएको र बाँकी रहेको ३ लाख ६९ हजार ४८८ कित्ता साधारण शेयर सर्वसाधारणको लागि निष्कासन गरेको हो । कम्पनीले आईपीओ बाँडफाँट वैशाख १५ गते गरेको थियो । गोलाप्रथाको माध्यमबाट भएको बाँडफाँटमा पहिलो चरणमा ३६ हजार ९४८ जनाले १० कित्ताको दरले शेयर पाएका हुन् । यसरी बाँडफाँट गर्दा बाँकी रहेको ८ कित्ता शेयर दोस्रो चरणमा ८ जनाले थप १ कित्ताका दरले पाएका थिए । कम्पनीको आईपीओ ८ जना भाग्यमानी आवेदकहरुले ११ कित्तासम्म प्राप्त गरेका छन् । कम्पनीको आईपीओ खरीदका लागि आवेदन दिएका मध्ये २१ लाख ६८ हजार ६८५ जना आवेदकको हात खाली भएको छ । विक्री प्रबन्धकका अनुसार यस आईपीओ खरीदका लागि कुल २२ लाख ५ हजार ६६३ जनाले २ करोड ४५ लाख २० हजार १४० कित्ताको लागि आवेदन दिएका थिए ।

Aarthik Abhiyan चैत्र २०७८

सिवाईसी नेपाल लघुवित्तको आईपीओ प्रि–अलोटमेन्ट सम्पन्न, बिहीवार अन्तिम बाँडफाँट

वैशाख १२, काठमाडौं । सिवाईसी नेपाल लघुवित्त वित्तीय संस्था लिमिटेडको आईपीओ प्रि–अलोटमेन्ट कार्य सम्पन्न भएको छ । विक्री प्रबन्धक ग्लोबल आइएमई क्यापिटलले सोमवार आईपीओ प्रि अलोटमेन्ट कार्य सम्पन्न गरेको जानकारी दिएको हो । प्रि–अलोटमेन्ट सम्पन्न गरेको तीन दिनभित्र अन्तिम बाँडफाँट गर्नुपर्ने व्यवस्था बमोजिम आईपीओको अन्तिम बाँडफाँट (बिहीवार) वैशाख १५ गते गर्ने जानकारी समेत क्यापिटलले दिएको छ । क्यापिटलका प्रमुख कार्यकारी अधिकृत पारसमणि ढकालले वैशाख १५ गते बिहीवार बिहान ९ बजे क्यापिटलको कार्यालय नक्साल काठमाडौंमा आईपीओको अन्तिम बाँडफाँट हुने जानकारी दिएका हुन् । कम्पनीले सर्वसाधारणमा रू. ३ करोड ९५ लाख ३३ हजार ६०० बराबरको ३ लाख ९५ हजार ३३६ कित्ता शेयर वितरण गर्न लागेको हो । कुल कित्तामध्ये कम्पनीले ६ हजार ८२ कित्ता कर्मचारीहरुका लागि सुरक्षित गरेको छ भने १९ हजार ७६६ कित्ता सामूहिक लगानी कोषहरुमा बाँडफाँट गरिसकेको छ । सार्वजनिक निष्कासनमार्फत विक्री गरेको ३ लाख ६९ हजार ४८८ कित्ता आईपीओ बाँडफाँटको तयारी कम्पनीले गरेको हो । कम्पनीले वैशाख २ गतेदेखि ६ गतेसम्म सर्वसाधारणमा आईपीओ सार्वजनिक निष्कासन गरेको थियो । अन्तिम दिनसम्म कम्पनीको आईपीओ खरीदका लागि मागभन्दा ६९ दशमलव ५२ गुणा बढी आवेदन परेको थियो । सिडिएस एण्ड क्लियरिङ लिमिटेडको अनुसार २२ लाख ७७ हजार ७४३ जना आवेदकहरुबाट २ करोड ५६ लाख ८८ हजार ४५० कित्ता शेयर खरीद माग भएको हो । कम्पनीको आईपीओ बाँडफाँटको अहिलेको व्यवस्था बमोजिम ३६ हजार ९४८ जना आवेदकहरुले १० कित्ताका दरले शेयर प्राप्त गर्नेछन् । पहिलो चरणमा न्यूनतम १० कित्ताका दरले शेयर बाँडफाँट गरी बाँकी रहेको ८ कित्ता शेयर थप ८ जनाले एक/एक कित्ताका दरले पाउनेछन् । कम्पनीले सर्वसाधारणमा ३२ दशमलव ५० प्रतिशत शेयर वितरण गरेको हो । यस कम्पनीको आर्थिक वर्ष ०७७/७८ सम्मको वास्तविक सञ्चित नाफा रू. ६ करोड ३१ लाखभन्दा बढी छ । सो अवधिसम्म प्रतिशेयर आम्दानी रू. ६२ दशमलव ७४ रहेको कम्पनीको प्रतिशेयर नेटवर्थ रू. ३४४ दशमलव ३६ रहेको छ । धितोपत्र दोस्रो बजारमा कम्पनीले वास्तविक प्रतिशेयर नेटवर्थदेखि तीन गुणासम्मको मूल्य रेञ्ज पाउनेछ । यस आधारमा कम्पनीको पहिलो शेयर कारोबार प्रतिकित्ता रू. ३४४ दशमलव ३६ देखि रू. १ हजार ३३ सम्ममा हुने देखिन्छ । हाल कम्पनीको चुक्तापूँजी रू. ८ करोड २१ लाख ८ हजार २४० रहेको छ । आईपीओ बाँडफाँटपश्चात् कम्पनीको चुक्तापूँजी रू. १२ करोड १६ लाख ४१ हजार ८४० पुग्नेछ ।

Aarthik Abhiyan चैत्र २०७८

सिवाईसी नेपाल लघुवित्तको आइपीओमा आजसम्म आवेदन दिन पाइने

काठमाडौं, ६ बैशाख । सिवाईसी नेपाल लघुवित्त वित्तीय संस्थाको आइपीओमा आजसम्म आवेदन दिन पाइन्छ । आइपीओमा मागभन्दा ५७.२६ गुणा बढी आवेदन परेको कम्पनीले जनाएको छ सोमवार साँझ ५ बजेसम्म १८ लाख ६३ हजार ७९४ जनाले २ अर्ब ११ करोड ५९ लाख ७२ हजार रुपैयाँ बराबरको २ करोड ११ लाख ५९ हजार ७२० कित्ताका लागि आवेदन […]

Reporters Nepal चैत्र २०७८

१८ लाख ६३ हजारले भरे सिवाईसी नेपाल लघुवित्तको आईपीओ, मागभन्दा ५७.२६ गुणा बढी आवेदन

Aarthik Abhiyan चैत्र २०७८

आईपीओ निष्कासन गरिरहेको सिवाईसी नेपाल लघुवित्तको नाफा १०९ % बढ्यो

वैशाख ५, काठमाडौं । सिवाईसी नेपाल लघुवित्त वित्तीय संस्थाले चालू आवको तेस्रो त्रैमासिक वित्तीय विवरण सोमवार सार्वजनिक गरेको छ । उक्त वित्तीय विवरण अनुसार कम्पनीको नाफा गत आवको तेस्रो त्रैमासको तुलनामा चालू आवको सोही अवधिमा १०९ प्रतिशत वृद्धि भएको हो । गत आवमा रू. ४ करोड ७७ लाख नाफा कमाएको उक्त कम्पनीको नाफा चालू आवमा वृद्धि भएर रू. ९ करोड ९९ लाख पुगेको छ। चालू आवको तेस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले र रू. ७ करोड १३ लाख खराब कर्जा उठाउन कम्पनी व्वस्थापन सफल भएकाले नाफा बढ्न टेवा पुगेको हो । गत आवको तुलनामा चालू आवमा खुद ब्याज आम्दानी ५५ प्रतिशत र सञ्चालन नाफा १०१ प्रतिशतले वृद्धि भएको छ । कम्पनीको चुक्तापूँजी रू. ८ करोड २१ लाख रहेको छ । कम्पनीले हाल आईपीओ निष्कासन गरिरहेको छ । आईपीओ निष्कासन तथा बाँडफाँटपछि पूँजी रू.१२ करोड १६ लाख पुग्नेछ । चालू आवको तेस्रो त्रैमाससम्ममा कम्पनीले जगेडामा रू. ३० करोड ४ लाख सञ्चित गरेको छ । सो अवधिमा कम्पनीले रू. १ अर्ब ४६ करोड सापटि लिएर,रू. १ अर्ब २६ करोड निक्षेप संकलन गरेर रू. ३ अर्ब ३७ करोडभन्दा बढी कर्जा लगानी गरेको छ । कम्पनीले वैशाख २ गतेदेखि ३ लाख ९५ हजार ३३६ कित्ता आईपीओ विक्री खुला गरेको छ । जसमध्ये १९ हजार ७६६ कित्ता सामूहिक लगानी कोषको लागि,६ हजार २ कित्ता कर्मचारीहरुको लागि छुट्याएको र बाँकी रहेको ३ लाख ६९ हजार ४८८ कित्ताका लागि सर्वसाधारणले आवेदन दिन सक्नेछन् । उक्त आईपीओमा आवेदकले वैशाख ६ गतेसम्म आवेदन दिन सक्नेछन् ।

Aarthik Abhiyan चैत्र २०७८

सिवाईसी नेपाल लघुवित्तको आईपीओमा ११ लाख ६७ हजारभन्दा बढीले भरे आवेदन

वैशाख ४, काठमाडौं । सिवाईसी नेपाल लघुवित्त वित्तीय संस्थाको आईपीओमा आइतवार बिहानसम्ममा ११ लाख ६७ हजार ५१८ जनाले आवेदन दिएका छन् । सिडिएस क्लियरिङ्गका अनुसार बिहान १० बजेसम्ममा ११ लाख ६७ हजार ५१८ जनाले १ करोड ३४ लाख १९ हजार ७० कित्ताका लागि आवेदन दिएका हुन् । यो सर्वसाधारणको लागि विक्री खुला गरिएकोमा ३६ दशमलव ३२ गुणा बढी आवेदन हो । कम्पनीले वैशाख २ गतेदेखि ३ लाख ९५ हजार ३३६ कित्ता आईपीओ विक्री खुला गरेको हो । जसमध्ये १९ हजार ७६६ कित्ता सामूहिक लगानी कोषको लागि, ६ हजार २ कित्ता कर्मचारीहरुको लागि छुट्याएको र बाँकी रहेको ३ लाख ६९ हजार ४ ८८ कित्ताका लागि सर्वसाधारणले आवेदन दिन सक्नेछन् । उक्त आईपीओमा आवेदकले वैशाख ६ गतेसम्म आवेदन दिन सक्नेछन् । विक्री प्रवन्धकले न्यूनतम १० कित्ता र अधिकतम १ हजार कित्ताका लागि आवेदन दिन सकिने बताएको छ। आवेदकले सि आस्वा प्राप्त बैंक तथा वित्तीय संस्था र मेरो शेयरमार्फत पनि आवेदन दिन सक्नेछन् । विक्री प्रबन्धकमा ग्लोबल आइएमई क्यापिटल लिमिटेड रहेको छ । कम्पनीले निष्कासन गरिरहेको आईपीओलाई रेटिङ एजेन्सी केयर रेटिङ नेपालले केयर एनपी डबल माइनस रेटिङ प्रदान गरेको छ । यस्तो रेटिङले कम्पनीको दायित्व बहन गर्ने क्षमतामा औषत जोखिम रहेको देखाउँछ ।

Aarthik Abhiyan चैत्र २०७८

२०७८ सालमा ३ करोड २० लाख कित्ता आईपीओ निष्कासन

वैशाख ३, काठमाडौं । विसं २०७८ सालमा ११ ओटा कम्पनीका कुल ३ करोड २० लाख ७८ हजार ५४० कित्ता आईपीओ सार्वजनिक निष्कासनमा आएको छ । छ ओटा हाइड्रोपावर कम्पनी,चार ओटा लघुवित्त कम्पनी र एउटा लगानी समूहका कम्पनीले आईपीओ निष्कासन गरेका हुन् । ११ ओटा कम्पनीमध्ये सबैभन्दा बढी साहस उर्जा कम्पनीले १ करोड ५ लाख कित्ता आईपीओ निष्कासन गर्न अनुमति पाएको हो । कम्पनीले उक्त शेयर स्थानिय बासिन्दा र सर्वसाधारणको लागि निष्कासन गरेको छ । त्यसैगरी दोस्रोमा ग्रीन भेञ्चर्स लिमिटेडले ६२ लाख ५० हजार कित्ता आईपीओ निष्कासन गरेको थियो । उक्त कम्पनीले पनि स्थानीय बासिन्दा र सर्वसाधारणको लागि आईपीओ निष्कासन गरेको हो । ती कम्पनीमध्ये रिभर फल्स पावर लिमिटेडले गत चैत २७ गते पहिलो चरणमा आयोजना प्रभावित स्थानीय वासिन्दाहरुका लागि आईपीओ विक्री खुला गरिरहेको छ । कम्पनीले स्थानीयमा जारी पूँजी रू.७० करोडको १० प्रतिशतले हुन आउने प्रतिशेयर रू. १०० अंकित मूल्यका कुल ७ लाख कित्ता आईपीओ विक्री खुला गरेकोे हो । स्थानीयलाई छुट्याएको शेयर सम्पूर्ण विक्री नभएमा उक्त विक्री नभएको शेयर समेत समायोजन गरी सर्वसाधारण (सामूहिक लगानी कोष तथा कर्मचारीमा समेत) निष्कासन गर्ने कम्पनीले जानकारी दिएको छ । स्थानीयले छिटोमा वैशाख ११ गतेसम्म यो आईपीओ खरीदका लागि आवेदन दिन सक्नेछन्। उक्त अवधिभित्र माग बमोजिम आवेदन नपरेमा भने ढिलोमा वैशाख २६ गतेसम्म यो आईपीओ विक्रीमा रहने कम्पनीले जानकारी दिएको छ । आईपीओ खरीदका लागि प्राइम कमर्सियल बैंकका खाँदवारी, तुम्लिङटार, सभापोखरी, प्रभु बैंकको खाँदवारी शाखा, ग्लोबल आइएमई बैंकको खाँदवारी, चैनपुर शाखा, रिभर फल्स पावरको आयोजना कार्यालय, संखुवासभाबाट आवेदन दिन सकिने व्यवस्था छ । यी सँगै आस्बा सेवामा सहभागी सम्पूर्ण बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ । विगतका वर्षहरुमा भन्दा यस वर्ष चाहि कम कम्पनीले आईपीओ निष्कासनको अनुमति पाएका छन् । बीचको सम यमा नियामक निकाय नेपाल धितोपत्र बोर्ड अध्यक्ष बिहिन भएकाले नयाँ कम्पनीले आईपीओ निष्कासन प्रक्रियाको स्वीकृती पाउन ढिला हुँदा अघिल्लो वर्षभन्दा गत वर्ष २०७८ सालमा कम कम्पनीले आईपीओ निष्कासन गरेका हुन् । २०७८ सालमा आईपीओ निष्कासन गर्न अनुमति पाएका ११ ओटा कम्पनीहरु : स्रोत : नेपाल धितोपत्र बोर्ड दुई ओटा कम्पनीको आईपीओ हाल निष्कासनमा त्यसो त स्वीकृती पाएको सिवाईसी नेपाल लघुवित्त वित्तीय संस्थाको वैशाख २ गतेदेखि आईपीओ निष्कासन भएको छ । कम्पनीले ३ लाख ९५ हजार ३३६ कित्ता आईपीओ निष्कासन गर्न लागेको हो । कम्पनीले कुल कित्तामध्ये ६ हजार २ कित्ता कर्मचारीको लागि,१९ हजार ७६६ कित्ता सामुहिक लगानी कोषको लागि छुट्याएको र बाँकी रहेको ३ लाख ६९ हजार ४८८ कित्ता शेयर सर्वसाधारणको लागि निष्कासन गर्न लागेको हो । आईपीओ निष्कासन बन्द मिति छिटोमा वैशाख ६ गतेसम्म रहेको छ । सो समय अवधिमा आईपीओ विक्री नभएमा वैशाख १६ गतेसम्म आवेदन दिन पाउने कम्पनीले जानकारी दिएको छ । विक्री प्रबन्धकमा ग्लोबल आइएमई क्यापिटल लिमिटेड रहेको छ । साथै आवेदकले मेरो शेयर सफट्वेयरबाट आवेदन दिन सक्नेछन् । त्यसैगरी विन्ध्यबासिनी हाइड्रोपावर वेशाख ११ गतेदेखि स्थानीय बासिन्दाका लागि निष्कासन गर्दैछ । कम्पनीले आयोजना प्रभावित क्षेत्रका बासिन्दाका लागि १० लाख कित्ता आईपीओ निष्कानस गर्न लागेको हो । आईपीओ निष्कासन बन्द मिति छिटोमा वैशाख २५ रहेको छ । सो अवधिमा सम्पूर्ण शेयर विक्री नभएमा जेठ ९ गतेसम्म आवेदन दिन पाइने छ । उता आईपीओ निष्कासन गर्नका लागि धितोपत्र बोर्डबाट स्वीकृती पाएको दोर्दी खोला जलविद्युत् कम्पनीले भने शुक्रवारसम्म मिति तय गरेको छैन ।

Aarthik Abhiyan चैत्र २०७८

सिवाईसी नेपाल लघुवित्तको आइपीओमा बिक्री खुलेको पहिलो दिन नै साढे ११ गुणा बढी आवेदन

बीजमांडू चैत्र २०७८

सिवाईसी नेपाल लघुवित्तले माग्यो आईपिओ निष्काशन अनुमति

सिवाईसी नेपाल लघुवित्तले आईपिओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले असोज ११ गते बोर्डमा आवेदन दिएको हो । कम्पनीले सर्वसाधारण (वित्तीय संस्थाका कर्मचारी र सामुहिक लगानी कोष समेत) लाई प्रति कित्ता १०० अंकित दरको ३ लाख ९५ हजार ३३६ कित्ता साधारण शेयर सार्वजनिक गर्न लागेको हो । बोर्डबाट अनुमति पाएपछि कम्पनीले आईपिओ निष्काशन गर्ने छ ।बाग्लुङ जिल्लाको बाग्लुङ बजारमा केन्द्रीय कार्यालय रहेकोे नेपाल राष्ट्र बैंकबाट ईजाजतपत्र प्राप्त “घ” वर्गको राष्ट्रियस्तरको यस लघुवित्त वित्तीय संस्थाले हालै मात्र म्याग्दी जिल्लाको बेनीमा केन्द्रीय कार्यालय राखी गण्डकी प्रदेशमा मात्र लघुवित्त कारोबार गरिरहेको शालीग्राम लघुवित्त वित्तीय संस्थालाई नेपाल राष्ट्र बैकको स्वीकृति लिई एक्विजिशन (प्राप्ति) गरेको छ । एक्विजिशन (प्राप्ति) पश्चात् वित्तीय संस्थाको अधिकृत पुँजी २० करोड रुपैयाँ र जारी पुँजी १२ करोड १६ लाख ४१ हजार ८ सय ३७.०४ रुपैयाँ रहेको छ । संस्थापक समुहको ६७.५० प्रतिशत शेयर रहेको यस वित्तीय संस्थामा १ वटा संस्था सहित ९९ जना संस्थापक शेयरधनीहरुबाट ८ करोड २१ लाख ८ हजार २ सय ४० रुपैयाँ बराबरको शेयरपुँजी चुक्ता भैसकेको छ । वित्तीय संस्थाले हाल ३७ वटा शाखा कार्यालयहरु मार्फत राष्ट्रियस्तरमा ४७ हजार भन्दा बढी विपन्न परिवारलाई समूहमा आवद्ध गरी वित्तीय सेवा दिंदै आईरहेको छ । विगत २१ वर्ष देखि नेपाल राष्ट्र बैंकबाट वित्तीय मध्यस्थकर्ताको कारोवार गर्ने इजाजत लिई लघुवित्तीय कारोबार गर्दै आईरहेको चारतारे युवा क्लब, नेपालले नेपाल राष्ट्र बैंकबाट सिवाईसी नेपाल लघुवित्त वित्तीय संस्था लिमिटेडको नाउँमा मिति २०७५ साल माघ २८ गते ईजाजतपत्र प्राप्त गरी मिति २०७५ चैत १ गतेका दिनदेखि सम्पूर्ण वित्तीय कारोबारहरु यथावत रुपमा सञ्चालन गर्दै आएको छ ।

Bizpati भाद्र २०७८