युनाइटेड इन्स्योरेन्स सम्मानित

युनाइटेड इन्स्योरेन्स कम्पनी सम्मानित

काठमाडौं (अस) । युनाइटेड इन्स्योरेन्स कम्पनी ‘थर्ड इमर्जिङ एशिया इन्स्योरेन्स कन्क्लेभ एन्ड अवार्ड्स २०२१’बाट सम्मानित भएको छ । भारतको कोलकातामा गत शनिवार भएको एशिया स्तरीय ‘थर्ड इमर्जिङ एशिया इन्स्योरेन्स कन्क्लेभ एण्ड अवार्ड्स २०२१’बाट कम्पनीलाई सम्मान गरिएको हो । उक्त कार्यक्रम इन्डियन चेम्बर अफ कमर्शले आयोजना गरेको थियो । युनाइटेड इन्स्योरेन्स कम्पनी नेपालबाट बेस्ट जेनेरल इन्स्योरेन्स कम्पनी अफ द इयरबाट सम्मानित भएको कम्पनीले दाबी गरेको छ । कम्पनीका प्रमुख कार्यकारी अधिकृत उपासना पौडेलले उक्त अवार्ड ग्रहण गरेकी हुन् । विश्वप्रख्यात चार्टर्ड एकाउन्टेन्सी तथा कन्सल्टेन्सी संस्था पीडब्ल्यूसीले स्वतन्त्र रूपमा मूल्यांकन गर्दा विभिन्न वित्तीय सूचकांकहरूमा युनाइटेड इन्स्योरेन्स उत्कृष्ट कार्य सम्पादन गर्न तथा निर्जीवन बीमा क्षेत्रमा महत्त्वपूर्ण योगदान दिन सफल भएको बताइएको छ । कम्पनीलाई सफल बनाउन प्रमुख कार्यकारी अधिकृत पौडेलले इन्डियन चेम्बर अफ कमर्शलाई धन्यवाद व्यक्त गरिन् ।