माघ २०, काठमाडौं। कोरोनाको तेस्रो लहर ओमीक्रोन फैलिएको भन्दै स्थगित भएका लोक सेवा आयोगका सबै परीक्षा यहि फागुनमा सञ्चालन हुने भएका छन । बुधबार बसेको आयोगको बैठकले स्थगित भएका परीक्षाहरु आउँदो फागुन ७ गतेदेखि सञ्चालन गर्ने निर्णय गरेको हो ।
आयोगले यसअघि माघ ६ गते परीक्षा तालिका निकालेको थियो। तर कोरोनाको बढ्दो संक्रमणका कारण सबै परीक्षा अर्को सूचना नआए सम्मको लागि स्थगित गरिएको थियो ।
आयोगले स्थगित गरिएको उपसचिव वा सो सरह (प्राविधिक/अप्राविधिक), शाखा अधिकृत वा सो सरह -(प्राविधिक), स्वास्थ्य सेवा तर्फ नबौँ, आठौँ र सातौँ तहको परीक्षा तालिका प्रकाशित गरेको छ ।
परीक्षामा सबै स्वास्थ्य सुरक्षाको सम्पूर्ण मापदण्ड अपनाएर परीक्षा सञ्चालन गरिने आयोगले जनाएको छ ।
