यौन दुर्व्यवहारका सम्बन्धमा भारतीय अदालतको अनौठो निर्णय, अधिकारवादीहरू निराश

भारतको एक अदालतले बालिकालाई लुगा लगाएकै अवस्थामा छामछुम गर्दा त्यसलाई यौन दुर्व्यवहार भन्न नमिल्ने भनी रुलिङ गरेको छ ।  यसप्रति देशभर आक्रोश फैलिएको छ र महिला तथा बालबालिकाविरुद्ध व्यापक रूपमा फैलिएको यौन दुर्व्यवहारविरुद्धको लडाइँका अभियन्तालाई निराश बनाएको छ । गत साता बम्बे उच्च अदालतका न्यायाधीश पुष्पा गनेडीवालाले ३९ वर्षीय एक पुरुष १२ वर्षीया एक बालिकालाई यौन दुर्व्यवहारको दोषी नरहेको ठहर गरिन् किनकि बालिकाको कपडा खोलिएको थिएन अर्थात् छाला छालाबीच स्पर्श भएको थिएन ।  अदालतको मिसिलअनुसार, ती प...