काठमाडौँ- मौसममा खराबी आएपछि एक सातादेखि सोलुखुम्बुको लुक्ला विमानस्थलमा उडान ठप्प रहेको छ।खराब मौसमका कारण लुक्लास्थित तेन्जिङ हिल्लारी विमानस्थलमा उडान हुन सकेको छैन। गत आइतबारदेखि उडान हुन नसकेको नागरिक उड्डयन प्राधिकरण लुक्लाका प्रमुख द्वारिका अछामीले बताए। उनका अनुसार मौसम नसुध्रिएकाले गर्दा काठमाडौँ जानुपर्ने पर्यटक पनि लुक्लामै रोकिएका छन्। प्राधिकरणका अनुसार डेढ सयभन्दा बढी पर्यटक लुक्लामै […]
जुम्ला-कर्णाली प्रदेशका हिमाली जिल्लामा एक सातादेखि हवाई उडान प्रभावित भएका छन् । पर्यटक ओसार्न जहाजहरू पूर्वतिर गएपछि कर्णालीका हिमाली जिल्लामा हवाई उडान प्रभावित भएको हो । जुम्ला, हुम्ला, मुगु, डोल्पामा सुर्खेत नेपालगन्जबाट दैनिक उडान भर्ने जहाजहरू विगत एक सातादेखि पर्यटक ओसार्न पूर्वतिर गएपछि कर्णालीमा हवाई यात्रा ठप्प हुँदा नागरिकले सास्ती पाएका हुन् ।जहाजहरू लुक्ला, पोखरा, […]
चैत २१, हुम्ला । हुम्लासहित कर्णाली प्रदेशका उच्च हिमाली जिल्लामा केही दिनयता हवाई उडान हुन सकिरहेको छैन ।
हुम्ला, मुगु, जुम्ला र डोल्पामा नियमित रुपमा उडान गर्दै आएका तारा, समिट र सीता एअरलाइन्स पर्यटक बोक्न पूर्वतर्फ लागेपछि विमानस्थलमा बिरामी तथा सर्वसाधारण र कर्मचारीलगायत यात्रु अलपत्र परेका छन् ।
हुम्लाको दक्षिण भेगका नागरिक गाडीमार्फत जिल्लाबाहिर जान सके पनि सर्केगाड, खार्पुनाथ, सिमकोट र उत्तरी नाम्खा गाउँपालिकाका नागरिकलाई जिल्लाबाहिर जान थप समस्या बनाएको छ । सिमकोटमा रहेका सरकारी तथा गैरसकारी कार्यालयका कर्मचारीलाई काम विशेषले जिल्लाबाहिर जान र जिल्ला पुग्न थप समस्या निम्तिएको हो ।
सदरमुकाम सिमकोट राष्ट्रिय सडक सञ्जालसँग जोडिन सकेको छैन भने अन्तरजिल्ला जोड्ने एक मात्रै हवाई सेवाको उडान आइतवारदेखि हुन नसकेको सिमकोट विमानस्थलले जानकारी दिएको छ ।
उडान ठप्प हुँदा जिल्लाबाहिर जाने यात्रु सिमकोट विमानस्थलमै अलपत्र परेका छन् । नेपालगञ्ज र सुर्खेतबाट जिल्ला पुग्ने यात्रुलाई समेत चर्को होटल भाडा तिरेर बस्नुपर्ने बाध्यता भएको नेपालगञ्जमा टिकट नपाएर भौँतारिरहनुभएका विशाल परियारले गुनासो पोखे ।
निजी जहाज लुक्ला, पोखरा, जोमसोमलगायत पर्यटकीय स्थानमा व्यस्त भएपछि कर्णालीका हिमाली जिल्लामा उडान हुन पाएको छैन । पर्यटक आउने मौसममा त निजी एअरलाइन्सले हुम्लालाई बेवास्ता गर्ने गरेको स्थानीय बासिन्दाको गुनासो छ । निजी एअरलाइन्सले हुम्लामा दैनिक एक–एक उडान अनिवार्य गर्नुपर्ने नियम भए पनि उक्त नियमलाई उल्लंघन गरी उडान ठप्प गरेका बताइएको छ ।
नेपाल वायु सेवा निगमका उडान कम
नेपाल वायु सेवा निगमले नेपालगञ्जबाट हुम्लाका लागि कम उडान भर्दै आएको छ । टिकट वितरणमा पक्षपात भएको नेपालगञ्जमा रहेका यात्रुले गुनासो पोखेका छन् । नेपालगञ्जमा रहेका निगमका कर्मचारीले आफन्त तथा ठूलाबडाको फोनका आधारमा आफ्नो मानोमानी ढंगले टिकट वितरण गरिरहेको पाइएको छ ।
सो कार्यालयका कर्मचारीले गरेको व्यवहारले लामो समयदेखि हुम्ली नागरिकले ठूलो समस्या झेल्नु परेको छ । विभिन्न कामका लागि जिल्लाबाहिर नेपालगञ्जको राँझा एअरपोर्टमा सयौँ सेवाग्राही अलपत्र परेका छन् । गत फागुन अन्तिम सातादेखि हवाई उडान नहँुँदा हुम्लाका करीब ४० देखि ६० नागरिक होटलमा बस्न बाध्य छन् ।
हुम्ला उडान भर्ने टिकटका लागि दैनिक नेपाल एयरलाइन्सको कार्यालय जाँदा सो कार्यालयका कर्मचारीले उल्टै धम्काउने गरेको सेवाग्राहीले गुनासो गरेका छन् ।
हुम्लाकै सङ्गीता फडेराले भने, ‘गोजीमा पैसा छैन, धेरै दिनदेखि बिहानबाटै बेलुकासम्म लाइनमा बस्दा पनि निगमका कर्मचारीले सुनुवाइ गरेका छैनन्, निगमका कर्मचारीले बाहिरबाटै फोनका भरमा टिकट वितरण गर्दा अन्य हुम्लाका गरीब, निमुखा नागरिक टुलुटुलु हेरिरहनुपर्ने बाध्यता छ ।’
त्यस्तै, आर्थिक अभावका कारण नेपालगञ्जमा बिरामीकै अवस्थामा रहेका ७९ वर्षीय टक्कबहादुर शाहीले फागुनको अन्तिमदेखि घर फर्कनका लागि धेरै प्रयास गरे पनि टिकटको अझै अत्तोपत्तो नभएको बताए । टिकटका लागि गएका सिद्धबहादुर बुढा भन्छन्, ‘नेपाल एअरलाइन्सको कार्यालयमा जाँदा त्यहाँका कर्मचारीले उल्टै धम्क्याउने गरेका छन् ।’ रासस
कर्णालीमा उडान भर्दै आएका चार वटा हवाई सेवा प्रदायक कम्पनीले जहाज पूर्वतर्फ लगेपछि अहिले कर्णालीमा उडान ठप्प छ। लगातारको वर्षाले स्थलमार्ग पूर्णरुपमा बन्द छ भने जहाज नचल्दा दशैंको विदा मनाउन राराताल पुगेका पर्यटकहरु सातादेखि अलपत्र परेका हुन्।...
काठमाडौं । निरन्तरको बर्षातका कारण सोलुखुम्बुको लुक्ला विमानस्थिलमा एक सातादेखि हवाई उडान ठप्प रहेको छ । निरन्तर झरीका कारण लुक्लामा बाक्लो कुहिरो लागेकाले कुनै पनि विमानले उडान भर्न सकेका छैनन् । उडान बन्द हुँदा लुक्ला सहित आसपासका क्षेत्रमा तरकारी, फलफूलका साथै मासु, अण्डा लगायत दैनिक उपभोग्य बस्तुको अभाव भएको छ । खाद्यान्नको मौज्दात पर्याप्त भएपनि […]
निरन्तरको बर्षातका कारण तेन्जिङ हिलारी विमानस्थल लुक्लामा सात दिनदेखि हवाई उडान ठप्प हुँँदा लुक्ला सहित आसपासका क्षेत्रमा तरकारी तथा फलफूलको अभाव भएको हो ।
सोलुखुम्बुको पर्यटकीय क्षेत्र लुक्लामा बाक्लो कुहिरो सहितको वर्षाका कारण हेलिकोप्टर तथा जहाजले आठ िदनयता उडान भर्न नसक्दा मासु, अण्डा, तरकारी सहित फलफूल भित्रिन नपाएको नेपाल नागरिक उड्डयन प्राधिकरण लुक्लाका प्रमुख मुकेशराज दहालले जानकारी दिनुभयो ।
विमानस्थ देखि सडक अबरुद्ध
जुम्ला -
करिब दशक भन्दा पछाडी कर्णालीमा चैत लागिसक्दा पनि भारी हिमपात भएको छ । कर्णालीमा माघ दोस्रो सातादेखि तातो रिट्ने र हिमपात नहुने गर्दछ । तर जलवायु परिवर्तनकै कारण यो वर्ष भएको करिब १० औ पटकको हिमपात चैत महिनामा हुँदा कर्णालीका किसान खुसी अच्चमीत पनि भएका छन् । प्राय खडेरी पर्ने चैत महिनामा भारी हिमपात हुँदा किसान खुसी नहुने कुरा छैन् ।
स्याउ किसान विष्ण अधिकारी भन्छन, पहिला खडेरी पर्ने समसयमा हिमपात हुनु निकै राम्रो, स्याउ किसानलाई ठुलो राहत भएको बताए । स्याउका क्यारी अर्थात खाडल बनाएर हिउँका डल्ला राख्दा महिनादिनका लागि सिचाई गर्नै पर्दैन, जिल्ला कृषि विकास कार्यालय जुम्लाका प्रमुख बालकराम देवकोटाले भने, चैतमा हिमपात हुनु नौलो कुरो भएपनि किसानलाई राहत पुग्नु फाईदा हो ।
शुत्रबार देखि मौसममा भएको खराबीका कारणा कर्णालीमा हुने सबै उडान बन्द भएका छन् । साविक कर्णालीका हुम्लाको सिमिकोट, डोल्पाको जुफाल,मुगुको मुगु र जुम्लाको जुम्ला बिमानस्थल शुत्रबार देखि बन्द भएका छन् ।
तीनदिन देखि भएको हिपापातका कारण धावन मार्गमा बाक्लो हिउँ जमेकाले उडान गर्न नसकेका हुन् । शनिवार राती देखि कर्णालीमा भईरहेको हिमपातले गर्दा उडान ठप्प भएको जुम्ला विमानस्थका सूचना अधिकारी रिंकी मल्लिकले े बताईन् ।
भारी हिमपातका कारण संचालनमा आएको हप्तादिन नबित्दै फेरि नाग्म गमगडी सडक अबरुद भएको छ । मुगुमा वित्तिय साक्षरता कार्यक्रम गर्ने भनी घुच्ची लेक सम्म पुगेको आर्थिक पत्रकार समाज (सेजन) को टोलि हिमपातले सडक अबरुद भएपछि जुम्ला फर्किएको सेजनका केन्द्रीय अध्यक्ष भिम गौतमले जानकारी दिए ।
यता सडक डिभिजन जुम्लाका प्रमुख लिला बहादुर भण्डारीका अनुसार मौसममा सुधार आउना बित्तिकै सडक सुचारुका लागि हिउँ पन्छाउने काम गरिने छ ।
हावापानी फिल्ड कार्यालय जुम्लाका अनुसार यो हप्ताभरी फाटफुट वर्षा र उच्च भूभागमा हिमपातको सम्भावना छ । चैतमा हिमपात भएका कारण कर्णालीमा चिसो पुस माघ जस्तै भएकाले बालबालिका, जेष्ठनागरिकलाई भने सुरक्षित रहन चिकित्सकको आग्रह छ ।
फोटो क्याप्सन ः जुम्ला भारी हिमपातपछिको दृष्य । तस्बिर ः सागर परियार ।
प्रतिकुल मौसमका कारण झन्डै एक सातादेखि डोल्पा– नेपालगन्ज हवाई सेवा नहुँदा यात्रुहरू विमानस्थलमा अलपत्र परेका छन् । सरकारी तथा व्यक्तिगत कामले नेपालगन्ज झर्न जुफल विमानस्थलमा पुगेका यात्रुहरू जुफलका होटलहरुमा अलपत्र परेका हुन ।
