सुर्खेत (अस) । सरकारी स्वामित्वमा सञ्चालित खाद्य व्यवस्था तथा व्यापार कम्पनी लिमिटेडले सुर्खेतको वीरेन्द्रनगरमा सुपथ मूल्य पसल सञ्चालनमा ल्याएको छ । कम्पनीले शुक्रवारदेखि सञ्चालनमा आएको सुपथ मूल्य पसलमा तीन किसिमका चामलसहित ३ प्रकारका दाल विक्रीका लागि राखिएका छन् ।
सुर्खेतमा अरुवा मोटा चामल ४१, जिरा मसिनो चामल ५९, सोना मन्सुली चामल ४४.७०, मसुरो १३०, मास १५९ र रहर १७३ रुपैयाँ प्रतिकिलोमा उपलब्ध गराइएको छ ।
कम्पनीले चाडपर्वको अवसरमा हरेक वर्ष दशैं, तिहार र छठ पर्वका बेला सुपथ मूल्य पसल सञ्चालन गर्दै आएको छ । कम्पनीका कर्णाली प्रादेशिक कार्यालय प्रमुख माधव मिश्राले स्थानीय जनताको मागलाई ध्यानमा राख्दै चामल र दाल विक्रीका लागि उपलब्ध गराइएको जानकारी दिए ।
