हिमालयन क्यापिटल र सिभिल क्यापिटलको वार्षिक साधारण सभा असोज २६ मा, यी प्रस्ताव पारित हुने

काठमाडौं । हिमालयन क्यापिटल र सिभिल क्यापिटल मार्केटले एकैदिन वार्षिक साधारणसभा आहवान गरेका छन । हिमालयन क्यापिटलले १६औँ र सिभिलले १५औँ वार्षिक साधारणसभा एकैदिन असोज २६ गते आयोजना गर्ने भएका हुन् ।  हिमालयनको काठमाण्डौको ठमेलस्थित रजिस्टर्ड कार्यालयमा र सिभिलको काठमाण्डौको सीटीसी महलमा क्रमशः बिहान ११ बजे र मध्याह्न १२ः३० बजेबाट साधारण सभा सुरु हुनेछ ।  हिमालयन क्यापिटलकोसभाले सिभिल कयापिटललाई प्राप्ति गर्ने विशेष प्रस्ताव पारित गर्नेछ । प्राप्ति पश्चात प्रबन्धपत्र तथा नियमावलीमा संशोधनलगायतका कार्य गर्न गराउन सञ्चालक समितिलाई अख्तियारी दिने विशेष प्रस्ताव सभाले अनुमोदन गर्नेछ । त्यस्तै सभाले स्वतन्त्र तथा महिला सञ्चालक पुनः नियुक्ति गर्ने प्रस्ताव पारित गर्नेछ ।  त्यस्तै दुबै हिमालयन र सिभिल क्यापिटलको सभाले आर्थिक वर्ष २०७९/८०को वार्षिक प्रतिवेदन छलफल गरी पारित गर्नुका साथै चालू आवको लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।