काठमाडौं : लगातार उत्कृष्ट प्रदर्शन गर्दै आएका नेपालका कुशल भुर्तेलले त्रिकोणात्मक टी-२० क्रिकेट श्रृंखलामा चौथो अर्धशतक प्रहार गरेका छन्। त्रिवि क्रिकेट मैदानमा जारी नेदरल्याण्डस् विरुद्धको फाइनल खेलमा उनले ४३ बल खेल्दै अर्धशतक पूरा गरेका हुन्। उनले यसअघि लिग चरणमा नेदरल्याण्ड्ससँगको दुवै र मलेसियासँगको एक खेलमा अर्धशतक प्रहार गरेका थिए।१३ ओभरको खेल सकिँदासम्म ४५ बल खेलेका उनले ६ चौका र २ छक्काको मद्दतमा ५७ रन बनाएर खेलिरहेका छन्।
