पछिल्लो समय घटिरहेको वाणिज्य बैङ्कको निक्षेप सङ्कलन मङ्सिर महिनामा पनि रोकिएन । मङ्सिर तेस्रो साता बैङ्कमा सात अर्ब रुपियाँ निक्षेप थपिए पनि चौथो सातामा आएर पाँच अर्बले घटेको छ ।
नेपाल बैङ्कर्स सङ्घका अनुसार मङ्सिर चौथो साता पाँच अर्ब रुपियाँ निक्षेप घट्दा पनि वाणिज्य बैङ्कले सात अर्ब रुपियाँले कर्जा विस्तार गरेका छन् । वाणिज्य बैङ्कमा निक्षेप थपिने क्रम रोकिए पनि कर्जा प्रवाह तुलनात्मक रूपमा केही बढी छ । निक्षेप बढ्न नसक्दा कर्जा विस्तारको आकार भने खुम्चँदै गएको छ ।
