काठमाडौं। लुम्बिनी प्रदेशले आन्तरिक पर्यटनको प्रवर्द्धन गर्न प्रदेशभित्र कार्यरत सरकारी कर्मचारीलाई आउँदो आर्थिक वर्ष घुम्नको लागि एक महिनाको तलब उपलब्ध गराउने भएको छ। आज आउँदो वर्ष २०७८/७९ को बजेट प्रस्तुत गर्दै प्रदेशका आर्थिक मामिला तथा योजनामन्त्री बैजनाथ चौधरीले यसको लागि बजेट छुट्टयाइएको बताए। सरकारी कर्मचारीलाई सुरु तलब स्केल अनुसार एक महिनाको तलब बराबरको रकम उपलब्ध गरिनेछ।