असार लागेसँगै केही स्थानमा मनसुन सक्रिय हुन थालेको छ । वर्षाका कारण केही जिल्लामा बाढीपहिरो पनि आएको छ । यति बेला सडकबाटो बन्द हुने जोखिम उत्तिकै छ । अब केही दिनभित्र मुलुकभर मनसुन सक्रिय हुने मौसमविद् बताउँछन् । यसले सडक बाटोबाट हुने ढुवानीमा थप जटिलता ल्याउन सक्छ । बर्खाका बेला सुगमवासीले जसोतसो खाद्यान्नको जोहो गर्छन् । तर दुर्गमका बासिन्दालाई धेरै समस्या हुँदै आएको छ । सर्वसाधारणले समयमै खाद्यान्न पाउन सकेका छैनन् ।
