प्रकृति पूजक किराँत समुदायले धुमधामसँग मनाए उभौली

काठमाडौं । प्रकृति पूजक किराँत समुदायले धुमधामसँग उभौली पर्व मनाएका छन् । वैशाख शुक्ल पूर्णिमाका दिन उनीहरूले यो पर्व मनाएका हुन् ।   वसन्त ऋतुमा बालीनाली राम्रो होस्, सबैमा सुख–शान्ति छाओस्, सबैको सुस्वास्थ्य राम्रो होस् र दैविप्रकोप तथा विपक्ति नआउन् भनी यो पर्वमा प्रकृतिको पूजा गरिन्छ । किराँत समुदायले आफ्नो पर्वमा प्रकृतिको पूजा गर्छन् ।  यो सुनुवार, राई, लिम्बु र याक्खा जातिको महान चाड मानिन्छ ।