आँधीखोला लघुवित्तको खुद नाफा ३६.६८ प्रतिशतले बढ्यो

चालु आर्थिक वर्ष ७८/७९ को दोस्रो त्रैमासमा आँधीखोला लघुवित्तको खुद नाफा ३६.६८ प्रतिशतले बढेको छ । अघिल्लो आर्थिक वर्षको सोहि अवधिमा कम्पनीको खुद नाफा १ करोड ८० लाख रहेकोमा चालु आर्थिक वर्षको दोस्रो त्रैमाससम्ममा कम्पनीको खुद नाफा बढेर २ करोड ४६ लाख पुगेको हो । यस अवधिमा कम्पनीको खुद ब्याज आम्दानी ३ करोड ९९ लाख रहेको छ । कम्पनीको संचालन मुनाफा भने २ करोड १४ लाख रहेको छ । समिक्षा अवधिमा कम्पनीले ६३ करोड ९७ लाख सापटी लिएको छ भने ४२ करोड २८ लाख निक्षप संकलन गरेको छ । त्यस्तै कम्पनीले १ अर्ब २२ करोड लार्ज प्रवाह गरेको छ । कम्पनीको खराब कर्जा ४.३१ प्रतिशत रहेको छ । १० करोड चुक्ता पुँजी रहेको कम्पनीको रिजर्भमा ८ करोड ५३ लाख रहेको छ ।कम्पनीको प्रति शेयर आम्दानी ४९.२६ रुपैयाँ, प्रति शेयर नेटवर्थ १८५.३६ रुपैयाँ , र तरलता अनुपात ४.२४ रहेको छ । नेप्सेमा भने कम्पनीको कारोबार रोक्का छ ।