काठमाडौँ उपत्यकासहित देशभर चिसो बढेको छ । आज काठमाडौँ उपत्यकाको न्यूनतम तापक्रम यस वर्षकै सबैभन्दा कम ५.४ डिग्री मापन गरिएको छ । हिजो शुक्रबार काठमाडौँ उपत्यकाको न्यूनतम तापक्रम ६.५ डिग्री मापन गरिएको थियो । तापक्रम घटेसँगै देशभर चिसो बढ्दै गएको छ । जल तथा मौसम विज्ञान विभागले आगामी २४ घण्टाका लागि चेतावनी जारी गर्दै देशभर चिसो बढ्ने क्रममा रहेकाले आवश्यक सुरक्षा सतर्कता अपनाउन अनुरोध गरेको छ । आज काठमाडौं उपत्यकाको न्यूनतम तापक्रम ५.४ डिग्री र अधिकतम तापक्रम २०.७ डिग्री सेल्सियस रहेको छ । आज सबैभन्दा कम तापक्रम जुम्लाको छ । जुम्लाको न्यूनतम तापक्रम आज माइनस ४.७ डिग्री र सबैभन्दा धेरै भैरहवाको अधिकतम तापक्रम ३० दशमलव चार डिग्री सेल्सियस रहेको छ ।
