काठमाडौं । नेकपाल कम्युनिष्ट पार्टी (नेकपा) ओली समूहकी नेत्री शान्ता चौधरीले प्रचण्ड-नेपाल पक्षले आफूहरुलाई कारबाही गर्न नसक्ने बताउनुभएको छ । आफूहरुलाई कारबाही गर्ने हैसियत दाहाल–नेपाल समूहसँग नभएको चौधरीको दाबी छ ।
बुधबार प्रचण्ड-नेपाल पक्षले ओली समूहका सात जना नेतालाई ६ महिनाका लागि निलम्बन गर्ने निर्णय गरेको थियो । संसदीय दलका उपनेता सुवास नेम्वाङलाई सो दबाट हटाउनुका साथै केन्द्रीय सदस्यहरु महेश बस्नेत, विशाल भट्टराई, शान्ता चौधरी, सूर्य थापा, प्रभु साह र कर्णबहादुर थापालाई पार्टीबाट निलम्बन गरेको थियो ।
नेकपा ओली समूहकी सचेतक शान्ता चौधरीले आफूसहित ७ जना नेतालाई दाहाल–नेपाल समूहले कारबाही गरेको विषयमा प्रतिक्रिया दिनुभएको हो । सामाजिक सञ्जाल फेसबुकमा उहाँले लेख्नुभएको छ, ‘हामी हाम्रो घरमा शानदार रुपमा बस्छौं, घरलाई सुन्दर बनाउँछौं । पाहुना हुन आएकाले हामीलाई जा भन्ने हैसियत राख्न सक्दैनन ।’
