वैशाख ७, काठमाडौं । कृषि विकास बैंकले तेस्रो त्रैमासिक वित्तीय विवरण बुधवार सार्वजनिक गरेको छ ।
उक्त वित्तीय विवरण अनुसार कम्पनीले चालू आवको तेस्रो त्रैमाससम्ममा रू.१ अर्ब ९० करोड नाफा कमाएको छ । यो नाफा गत आवको तुलनामा चालू आवको सोही अवधिमा ८ प्रतिशतले घटेको हो । गत आवको तेस्रो त्रैमाससम्ममा कम्पनीले रू. २ अर्ब ७ करोड नाफा कमाएको थियो ।
चालू आवको तेस्रो त्रैमासमा कम्पनीको सञ्चालन नाफा घटेकाले नाफा घटेको हो । सञ्चालन नाफा गत आवको तुलनामा चालू आवको सोही अवधिमा ४ प्रतिशतले घटेको छ । कम्पनीको चुक्तापूँजी रू.१८ अर्ब ६२ करोड रहेको छ । चालू आवको तेस्रो त्रैमाससम्ममा कम्पनीले रू. १ खर्ब ६० अर्ब निक्षेप संकलन गरेर रू. १ खर्ब ७७ अर्ब कर्जा लगानी गरेको छ।
सो अवधिमा कम्पनीको वितरणयोग्य नाफा रू. ९८ करोड ६४ लाख रहेको छ । चालू आवको तेस्रो त्रैमासमा कम्पनीको नाफा घटेसँगै प्रतिशेयर आम्दानी पनि घटेको छ । गत आवमा कम्पनीको प्रतिशेयर आम्दानी रू.१८ दशलमव ४९ रहेकोमा चालू आवमा घटेर रू.१६ दशमलव ७९ मा झरेको हो ।
त्यसैगरी चालू आवको तेस्रो त्रैमाससम्ममा कम्पनीको मूल्य आम्दानी अनुपात २१ दशलमव ८५ गुणा र तरलता अनुपात २१ दशमलव ८९ प्रतिशत रहेको छ ।