काठमाडौं । प्रतिनिधिसभा सदस्यको उपनिर्वाचनअन्तर्गत तनहुँ–१ मा मतगणना जारी छ । निर्वाचन आयोगले सार्वजनिक गरेको मतगणनाको पछिल्लो परिणाम अनुसार राष्ट्रिय स्वतन्त्र पार्टी (रास्वपा)का उम्मेदवार स्वर्णिम वाग्लेले ११ हजार ६७७ मतसहित अग्रस्थानमा छन् ।
उनले पाएको मत गणना भएकाेमध्ये ५० प्रतिशतभन्दा बढी हो । अहिलेसम्म साढे २२ हजारभन्दा बढी मतको गणना भइसकेको निर्वाचन आयोग (Election Commission) ले जनाएको छ ।
वाग्लेलाई नेपाली कांग्रेसका उम्मेदवार गोविन्द भट्टराईले ६ हजार ७८८ मतसहित पछ्याइरहेका छन् । नेकपा एमालेका सर्वेन्द्र खनाललाई भने ३ हजार ८०३ मत प्राप्त भएको छ । अन्य ६ उम्मेदवारले पाएको मत थोरै छ । मंगोल नेशनल अर्गनाइजेसनका उम्मेदवार प्रेम बहादुर थापाले १११ मत पाएका छन् । बाँकीले भने १०० भन्दा कम मत पाएका छन् ।
कसले कति मत पाए ?
