धनुषाको बटेश्वर गाउँपालिकामा लुटेराको एक समुहले प्रहरीमाथि आक्रमण गरेको छ । सो गाउँपालिकाको वडा नम्बर ४ मा मंगलवार राति लुटेरा समूहले प्रहरी चौकीका असई मनोज पोखरेलमाथि आक्रमण गरेका हुन् ।लुटेराको आक्रमणबाट असई पोखरेल घाइते भएको धनुषाका प्रहरी उपरीक्षक बसन्त रजौरेले जानकारी दिए । घाइते असइको उपचार प्रादेशिक अस्पताल जनकपुरमा भईरहेको छ भने उनको टाउकामा १२ वटा टाँका लागेको उनले बताए ।ससुराली बटेश्वर जाने क्रममा लुटेरा समूहले महोत्तरीको भंगहा नगरपालिका वडा नम्बर ७ का अमित पासमानलाई लुटपाट गरेका थिए ।
