माघ २६, काठमाडौं । राष्ट्रिय परीक्षा बोर्डले माध्यामिक शिक्षा परीक्षा (एसईई) वैशाख ९ गतेदेखि गर्ने भएको छ।
बोर्डले बुधवार परीक्षाको समयतालिका सार्वजनिक गरेको हो । बोर्डले परीक्षाको समयतालिका भने बिहीवार प्रकाशित हुने गोरखापत्र दैनिक र बोर्डको वेबसाइटमा सार्वजनिक गर्ने बताएको छ । बोर्डले परीक्षार्थीलाई दुई महीना पढ्न समय दिने गरी परीक्षाको समयतालिका सार्वजनिक गरेको पनि बताएको छ ।
यसअघि नियमित तालिकाअनुसार चैत महीनामा एसईई हुने गर्थ्यो ।
कोरोना महामारीका कारण पाठ्यक्रम अझै अधुरो रहेकाले चैतबाट सारेर वैशाखमा परीक्षा सञ्चालन गर्न लागिएको हो । गत दुई वर्ष कोरोनाका कारण आन्तरिक मूल्यांकनका आधारमा नतिजा प्रमाणीकरण गरेर प्रकाशित गरिएको थियो ।
