असार ९, काठमाडौं । महालक्ष्मी विकास बैंकको स्वामित्वमा रहेको एशियन लाईफ इन्स्योरेन्सको लिलामीमा शेयरमा आवेदन गर्ने अन्तिम दिन बुधवार बैंकिङ समयसम्म रहेको छ ।
बैंकले कम्पनीको १ लाख ६६ हजार ७५७ कित्ता संस्थापक शेयर असार ३ गतेदेखि लिलामीमा ल्याएको हो ।शेयरको न्यूनतम मूल्य प्रतिकित्ता रू. ६२८ तोकिएको हुँदा सो वा सोभन्दा बढी मूल्य अंकित गरी बोलपत्र पेश गर्नुपर्नेछ ।
शेयर खरीद गर्दा आवेदकले न्यूनतम १०० कित्ताको लागि आवेदन दिन पर्नेछ भने अधिकतम सम्पूर्ण कित्ताका लागि आवेदन दिन सक्नेछन् ।
यो शेयर खरीदका लागि विद्यमान संस्पाकहरु वा जो कोही व्यक्ति,कम्पनी,संघसंस्थाहरुले आवेदन दिन सक्नेछन् । विक्री प्रबन्धकमा सिद्धार्थ क्यापिटल लिमिटेड रहेको छ ।