काठमाडौं । नेप्से परिसूचक लगातार तीन कारोबार दिन घटेको छ । गत बुधवारयता घट्न थालेको नेप्से त्यसयताका तीन कारोबार दिनमा ५७ दशमलव ९ अंक घटेको हो ।
साताको पहिलो कारोबार दिन आइतवार भने परिसूचक ५ दशलमव ३१ अंक घटेर २ हजार ६१ दशमलव ७० विन्दुमा झरेको छ । यस दिन परिसूचकसँगै कारोबार रकम पनि घटेको छ । यसअघिको कारोबार दिन रू. ४ अर्ब १८ करोड बराबरको शेयर कारोबार भएकोमा आज रू. ३ अर्ब २१ करोडमा झरेको छ ।
पछिल्लो समय लगानीकर्ताले प्रोफिट हुनेबित्तिकै बुक गरिहाल्छन् । यस कारण दुई-तीन दिन बजार बढेपछि नेप्से घट्ने गरेको छ । लगानीकर्ताको मनोबलले शेयर बजार प्रभाव पार्ने गरेको छ ।
पछिल्लो समय बजारमा खरीदकर्ताभन्दा विक्रेता हाबी भएको देखिएको छ । गत आर्थिक वर्ष (आव)को नाफाबाट कम्पनीले दिएको बोनस शेयर सूचीकृत हुने क्रम शुरु भएको छ । बोनस सेयर डिम्याट खातामा आउनेबित्तिकै बेचिहाल्ने प्रवृत्तिले समेत बजार प्रभावित भएको जानकार बताउँछन् ।
आइतवार सेन्सेटिभ इन्डेक्स शून्य दशमलव १६ प्रतिशत, फ्लोट इन्डेक्स शून्य दशमलव २५ प्रतिशत र सेन्सेटिभ फ्लोट इन्डेक्स शून्य दशमलव १६ प्रतिशत घटेको छ । यस दिन ३०७ धितोपत्रको ९२ लाख ७२ हजार ७८२ कित्ता शेयर ७० हजार ७९० पटकमा रू. ३ अर्ब २१ करोड बराबरको शेयर कारोबार भएको हो ।
कारोबारमा आएका धितापत्रमध्ये युनिक नेपाल लघुवित्तको शेयर मूल्यमा सकारात्मक सर्किट लागेको छ । यस कम्पनीको शेयर मूल्य अघिल्लो कारोबार दिनको तुलनामा आज १० प्रतिशत वृद्धि भएसँगै सकारात्मक सर्किट लागेको हो । यससँगै कम्पनीको शेयर मूल्य प्रतिकित्ता रू.१ हजार २०३ दशमलव ५० पुगेको छ । शेयर मूल्य सर्वाधिक बढ्ने सूचीमा दोस्रोमा मोलुङ्ग हाइड्रोपावर छ । कम्पनीको शेयर मूल्य ९ दशमलव ४६ प्रतिशत वृद्धि भएर रू. ४८६ पुगेको छ ।
आइतवार सबैभन्दा बढी महिला लघुवित्त वित्तीय संस्थाका शेयरधनीले गुमाएका छन् । यस कम्पनीको शेयर मूल्य अघिल्लो कारोबार दिनको तुलनामा ५ दशमलव ३७ प्रतिशत घटेको छ । यससँगै कम्पनीको शेयर मूल्य प्रतिकित्ता रू. १ हजार ६५५ मा झरेको छ । शेयर मूल्य सर्वाधिक घट्ने सूचीमा दोस्रोमा रावा इनर्जी डेभलपमेन्ट कम्पनी छ । कम्पनीको शेयर मूल्य ५ दशलमव १७ प्रतिशत घटेर रू. ५१२ कायम भएको छ ।
सर्वाधिक शेयर खरीदविक्रीको हिस्सा हिमालयन रिइन्स्योरेन्स कम्पनीले ओगटेको छ । यस कम्पनीको रू. ३३ करोड ५८ लाख बराबरको शेयर कारोबार भएको हो । कम्पनीको शेयर मूल्य प्रतिकित्ता रू. ६८८ दशमलव १० कायम भएको छ । शेयर सर्वाधिक खरीदविक्री हुने दोस्रोमा एशियन लाइफ इन्स्योरेन्स छ । कम्पनीको रू. १२ करोड ९८ लाख बराबरको भएको छ । यस कम्पनीले बोनस शेयर र हकप्रद शेयर निष्कासन गर्ने निर्णय गरेसँगै सर्वाधिक शेयर खरीदविक्री भएको हो ।
कारोबारमा आएका १३ समूहगत परिसूचकमध्ये चार समूहको सूचक बढेको छ भने बाँकीको सूचक घटेको छ । निर्जीवन बीमा समूहको सूचक सबैभन्दा बढी शून्य दशमलव ५१ प्रतिशत बढेको छ भने अन्य समूहको सूचक सबैभन्दा बढी १ दशमलव ०४ प्रतिशत घटेको छ ।
जेठ १९, काठमाडौं । साताको चौथो कारोबार दिन बिहीवार नेप्से परिसूचक १८ दशमलव २६ अंक घटेर बन्द भएको छ ।
यो दिन नेप्से परिसूचक २ हजार ११२ दशमलव ४७ विन्दुमा झरेको हो । यो दिन कारोबारमा आएका २२७ ओटा धितोपत्रको ३५ लाख ६६ हजार ८१९ कित्ता शेयर २१ हजार ८३३ पटकमा रू. १ अर्ब १६ करोड १५ लाख १४ हजार १६८ दशमलव ६६ बराबरको शेयर खरीदविक्री भएको छ ।
बजेट सार्वजनिक भएको लगातार चौथो दिन पनि नेप्से घटेको हो । कुल बजार पूँजीकरण रू. ३० खर्ब ७ अर्ब रहेको छ ।
कारोबारमा आएका २२७ ओटा धितोपत्रमध्ये बलेफी हाइड्रोपावर कम्पनीको शेयरमूल्यमा सकारात्मक सर्किट लागेको छ । कम्पनीको शेयरमूल्य अघिल्लो कारोबार दिनको तुलनामा ९ दशलमव ९७ प्रतिशत वृद्धि भएसँगै सकारात्मक सर्किट लागेको हो । कम्पनीको शेयरमूल्य प्रतिकित्ता रू. १५३ दशमलव ३० पुगेको हो ।
त्यसैगरी दोस्रोमा माउन्टेन हाइड्रोपावर नेपालको शेयरमूल्य ४ दशमलव २० प्रतिशत बढेर रू. ३२० कायम भएको छ ।
बिहीवार सबैभन्दा बढी प्रभु लाइफ इन्स्योरेन्स कम्पनीको शेयरमूल्य ६ दशमलव ४७ प्रतिशत घटेको हो । कम्पनीको शेयरमूल्य प्रतिकित्ता रू. ४१५ मा झरेको छ ।
त्यसैगरी दोस्रोमा उन्नति सहकार्य लघुवित्त वित्तीय संस्थाको शेयरमूल्य ४ दशमलव ८७ प्रतिशत घटेर रू. १ हजार ७५ कायम भएको छ । सर्वाधिक शेयर खरीदविक्री माउन्टेन हाइड्रो नेपालको भएको हो । कम्पनीको रू. १२ करोड १२ लाख बराबरको शेयर खरीदविक्री भएको छ ।
त्यसैगरी दोस्रोमा एनआईशी एशिया बैंकको रू. ६ करोड ५४ लाख बराबरको भएको हो । कारोबारमा आएका १३ समूहगत परिसूचकमध्ये म्युचुअल फण्ड समूह बाहेक सबै समूहको समूहगत परिसूचक घटेसँगै समग्र नेप्से परिसूचक घटेको हो । म्युचुअल फण्ड समूहको परिसूचक शून्य दशलमव १४ प्रतिशत वृद्धि भएको छ ।
समूहगत परिसूचक घट्नेमा बैंकिङ समूहको शून्य दशमलव ७५ प्रतिशत, विकास बैंक समूहको शून्य दशमलव ५२ प्रतिशत, वित्त समूहको शून्य दशमलव ३६ प्रतिशत, होटल एण्ड टुरिजम समूहको शून्य दशमलव ४९ प्रतिशत, हाइड्रोपावर समूहको शून्य दशलमव ५५ प्रतिशत, लगानी समूहको शून्य दशमलव ५२ प्रतिशत, जीवन बीमा समूहको १ दशमलव ४३ प्रतिशत, उत्पादन तथा प्रशोधन समूहको शून्य दशमलव ८१ प्रतिशत, लघुवित्त समूहको शून्य दशलमव ६७ प्रतिशत, निर्जीवन बीमा समूहको १ दशमलव ५६ प्रतिशत, अन्य समूहको १ दशमलव ५६ प्रतिशत र व्यापार समूहको समूहगत परिसूचक २ दशलमव ६० प्रतिशतका दरले घटेको हो ।
