काठमाडौं। सिटिजन लाइफ इन्स्योरेन्स कम्पनी स्थापनाको सातांै वर्षमा प्रवेश गरेको छ । वार्षिकोत्सवको अवसरमा कम्पनीले समता एजुकेसन फाउन्डेसनलाई आर्थिक सहयोग गरेको छ । समताले विभिन्न जिल्लाका ८३ विद्यालयमा प्रतिविद्यार्थी मासिक शुल्क रू. १०० मा अध्यापन गराउँदै आएको छ ।
समताले गरीब तथा जेहेनदार विद्यार्थीलाई सबैभन्दा न्यून शुल्कमा विज्ञान, नर्सिङ विषय लगायत मेडिकल विषयसम्बन्धी शिक्षा प्रदान गर्ने योजना बनाएको बताइएको छ । कम्पनीले यही उद्देश्यमा सघाउन रू. ५ लाख उपलब्ध गराएको छ । कम्पनीका अध्यक्ष प्रदीपजंग पाण्डेले समता फाउन्डेसनका निर्देशक दीपक सन्जेललाई उक्त रकम बराबरको चेक हस्तान्तरण गरेका हुन् ।
वार्षिकोत्सवको अवसरमा कम्पनीका विभिन्न शाखाले बीमा साक्षरता कार्यक्रम, र्याली, रक्तदान कार्यक्रम, समुदायका लागि शीपमूलक तालीम, शैक्षिक सामग्रीको अभाव भई शिक्षाबाट वञ्चित विद्यार्र्थीको लागि शैक्षिक सामग्री वितरण गरेको बताइएको छ ।
