नेपाल राष्ट्र बैङ्कले आइतबार १० अर्ब रुपियाँ बराबरको विकास ऋणपत्र बिक्री गर्ने भएको छ । पाँचवर्षे अवधिको विकास ऋणपत्र २०८३ ‘च’ जारी गर्न लागेको राष्ट्र बैङ्कले जनाएको छ । बोलकबोल प्रक्रियाबाट बिक्री हुने ऋणपत्र खरिदका लागि बैङ्क तथा वित्तीय संस्था, गैरबैङ्क वित्तीय संस्था, बीमा कम्पनी, सङ्गठित संस्था तथा आम सर्वसाधारणले नेपाल राष्ट्र बैङ्कको राष्ट्र ऋण व्यवस्थापन विभागमा आवेदन दिनुपर्ने शुक्रबार जारी सूचनामा उल्लेख छ ।
