मलेसिया र ब्रुनाईमा रोजगारीका लागि गई कोरोना भाइरसका कारण अलपत्र परेका नेपाली नागरिकले स्वदेश फर्कनको लागि निःशुल्क हवाई टिकटको लागि आवेदन दिन सक्ने भएका छन् । मलेसियामा रहेको नेपाली राजदूतावासले आज (बुधवार) एक सूचना जारी गर्दै नेपालमा श्रम स्वीकृति लिई यी दुई देशमा अलपत्र परेका नागरिकलाई स्वदेश फर्कने इच्छा भए निवेदन दिन अनुरोध गरेको हो ।
वैदेशिक रोजगारीका क्रममा अलपत्र परेका नेपाली कामदारहरुको उद्वार गरी स्वदेश फिर्ता गर्ने सम्बन्धी निर्देशिका २०७७ अनुसार वैदेशिक रोजगार बोर्डको कोषबाट हवाई टिकट पाउने व्यवस्था भएको दूतावासले जारी गरेको सूचनामा उल्लेख छ ।
.jpeg)
