राष्ट्रिय सहकारी महासंघका अध्यक्ष मिनराज कँडेलले सहकारी अभियानले ब्याजदर वृद्धि गर्न नचाहेको जिकिर गरेका छन् । आइतबार ललितपुरमा आयोजित महासंघ र सहकारी पत्रकार समाज (सीजेएन) को संयुक्त छलफल कार्यक्रममा बोल्दै अध्यक्ष कँडेलले अभियानले सहकारीको ब्याजदर वृद्धि गरेर सदस्यहरुको ढाँड सेक्न नचाहेको तर परिस्थितिको दबाबका कारण बढाउनु परको बताए । ‘हामी पनि सहकारीको ब्याजदर बढोस्, बढ्नुपर्छ भन्ने पक्षमा छैनौं । सकेसम्म सदस्यहरुले सुलभ ब्याजदरमा नै ऋण पाउन् र व्यवसाय गरुन् भन्ने हाम्रो चाहना हो ।
