फ्रान्सेली फरवार्ड ओसमाने डिम्बाला यूरो कप फुटबल २०२० को बाँकी खेलबाट बाहिरिनुभएको छ । घुँडामा आएको चोटको कारण उहाँ प्रतियोगिताबाट बाहिरिनुपर्ने भएको फ्रेञ्च फुटबल संघले सोमबार एक वक्तब्य जारी गरी जानकारी गराएको छ ।
फ्रान्सले शनिबार हँगेरी बिरुद्ध १–१ को बरारबी खेल्दा डिम्बाला दोस्रो हाफमा ‘सब्स्टिच्युट’ खेलाडीको रुपमा मैदानमा उतारिएका थिए । तर ३० मिनेट बितेपछि उहाँ मैदानबाट बाहिरिनुभयो । निको हुन कति समय लाग्ने अनिश्चित रहेको वक्तब्यमा उल्लेख गरिएको छ । उहाँलाई शनिबार राति नै बूडापेष्ट स्थित एक अस्पतालमा लगेर एक्स रे गरिएको थियो ।
