जीवनमा राम्रा दिनहरूलाई निम्त्याउन, कठिन दिनहरूसँग युद्ध गर्न सक्नुपर्छ । दुःखबाट भागेर सुख कहिल्यै आउँदैन । कठिनाई सँग भाग्न खोज्दा झन ठूला कठिनाईहरू लखेट्न आइपुग्छन् । यसको सार हो, हरेक परिस्थितीको सामना गरौं, जे जस्तो अवस्था आउँछ, त्यसलाई स्वीकार गरौं । स्वीकारोक्ति नै, जीवनमा आनन्दको मुल हो । चटपटे साँढेका, सात वटा डाम भने झैं अस्थिर मार्ग, मन र चञ्चल स्वभाव दुःखको कारण बन्छ ।
