सभामुख अग्नि प्रसाद सापकोटाले अर्थमन्त्री जनार्दन शर्मालाई संसद बैठकमा उपस्थित हुन् निर्देशन दिएका छन् । प्रतिनिधिसभा बैठकमा विनियोजन विधेयक (बजेट)का सिद्धान्त र प्राथमिकता सम्बन्धमा (कर प्रस्ताव बाहेक) माथिको छलफलका क्रममा अर्थमन्त्री शर्मा उपस्थित नभएपछि सभामुखलाई बैठकमा उपस्थित हुन निर्देशन दिएका हुन्। छलफल चलिरहँदा प्रमुख प्रतिपक्षी दल नेकपा एमालेका प्रमुख सचेतक विशाल भट्टराईले (बजेट)का सिद्धान्त र प्राथमिकता सम्बन्धमा (कर प्रस्ताव बाहेक) माथिको छलफलमा अर्थमन्त्री नै उपस्थित नभई छलफल चल्न नसक्ने भन्दै सभामुखको ध्यानाकर्षण गराएका थिए। भट्टराईले अर्थमन्त्री आफै उपस्थित नभएको र अन्य मन्त्रीले पनि डायरीमा सांसदहरुले राखेको विषयबारे टिपोट नगरेको भन्दै सभामुखको ध्यानाकर्षण गराएका थिए।त्यसपछि सभामुख अग्नि सापकोटाले अर्थमन्त्रीलाई बैठकमा उपस्थित हुन निर्देशन दिएका हुन् । त्यस्तै उनले अन्य उपस्थित भएका मन्त्रीहरुलाई सांसद हरुले राखेका विषय नोट गर्न रिपोर्टिंग गर्न निर्देशन दिएका हुन् ।बैठकमा हिजो बुधबारदेखि विनियोजन विधेयक (बजेट)का सिद्धान्त र प्राथमिकता सम्बन्धमा (कर प्रस्ताव बाहेक) माथिको छलफल सुरु भएको हो । जेठ १५ गते संसदमा बजेट प्रस्तुत हुने छ ।
