काठमाडौं। नेपालमा जारी त्रिदेशीय ट्वान्टी–२० अन्तर्राष्ट्रिय शृंखलामा आज मलेसिया र नेदरल्यान्ड्सले प्रतिस्पर्धा गर्दैछन्। खेल कीर्तिपुरस्थित त्रिवि क्रिकेट मैदानमा सवा १२ बजे सुरू हुनेछ। शृंखलामा मलेसियाको यो पहिलो खेल हो। नेदरल्यान्डस् शनिबार सम्पन्न पहिलो खेलमा नेपालसँग ९ विकेटले पराजित भएको थियो। शृंखलामा डबल राउन्ड रोबिन लिगको शीर्ष दुई टिमले फाइनलमा प्रतिस्पर्धा गर्नेछन्।
