भक्तपुर– नेपालमा पनि हावाबाट विजुली निकाल्ने सम्भाव्यता अध्ययन सुरु गरिएको छ । यसका लागि जापानस्थित जापान इनर्जी सेफ्टी एसोसिएसन (जेइएसए) ले सहयोग गरेको छ । आवश्यक सम्पूर्ण सामग्रीहरू प्रदान गरी उनीहरूले सहयोग गरेको हो । भक्तपुरको चाँगुनाराण नगरपालिका दुवाकोटस्थित नेपाल इन्जिनियरिङ कलेज (नेक)सँंग सहकार्य गरी अध्ययन सुरु गरिएको हो । अध्ययनका लागि आवश्यक सामाग्रीहरू जापानस्थित […]
काठमाडौं। नेपालसहित विभिन्न १८ मुलुकका निर्माण व्यवसायीको अन्तरराष्ट्रिय सम्मेलन मंगलवार (मङ्सिर ५ गते)देखि काठमाडौंमा शुरू हुने भएको छ । एशियाली तथा पश्चिम प्रशान्त क्षेत्रका ती मुलुकका निर्माण व्यवसायीको छाता संस्था इन्टरनेशनल फेडेरेशन अफ एसियन एण्ड वेस्टर्न प्यासिफिक कन्ट्र्याक्टर्स एसोसिएसन (इफाप्का)को सम्मेलन दोस्रोपटक नेपालमा हुन लागेको हो ।
विश्वभर देखिन थालेको आर्थिक मन्दी र यसबाट नेपाल पनि प्रभावित भएको अवस्थामा भौतिक पूर्वाधारको विकासमा अन्तरराष्ट्रिय लगानी भित्त्याउन सम्मेलन महत्त्वपूर्ण हुने नेपाल निर्माण व्यवसायी महासंघका अध्यक्ष रवि सिंहले बताए । सम्मेलनका क्रममा १० लाख अमेरिकी डलरभन्दा बढी लगानी नेपाल भित्रने अनुमान गरिएको उनको भनाइ छ । महासंघले उक्त सम्मेलन अवधिमा हुने कार्यक्रमका विषयमा पनि जानकारी दिएको छ ।
सम्मेलनमा इफाप्कामा आबद्ध मुलुकहरूबीच जलवायु परिवर्तनका असर तथा प्राकृतिक विपत्ति व्यवस्थापनको विषयमा छलफल समेत हुनेछ । महासंघका अध्यक्ष सिंह इफाप्काका पनि अध्यक्ष हुन् । उनको संयोजकत्वमा २१ सदस्यीय आयोजक समिति गठन गरिएको जानकारी दिइएको छ । पत्रकार सम्मेलन गरेर इफाप्काको तयारी पूरा भएको महासंघले जानकारी दिएको छ । ‘दिगो पूर्वाधारमा साझेदारी’ नारा तय गरिएको सम्मेलनको उद्घाटन राष्ट्रपति रामचन्द्र पौडेलबाट हुने भएको छ । इफाप्का फोरमको उद्घाटन भने प्रधानमन्त्री पुष्पकमल दाहालबाट हुने महासंघले बताएको छ । सम्मेलनमा सदस्य देशका २४२ सहित ५०० भन्दा बढीको सहभागिता रहने महासंघका अध्यक्ष सिंहले जानकारी दिए । सम्मेलनमा सहभागी हुन विदेशी प्रतिनिधि काठमाडौं आउन थालिसकेको बताइएका छ ।
विश्वभर देखिन थालेको आर्थिक मन्दी र यसबाट नेपाल पनि प्रभावित भएको अवस्थामा भौतिक पूर्वाधारको विकासमा अन्तरराष्ट्रिय लगानी भित्त्याउन सम्मेलन महत्त्वपूर्ण हुने नेपाल निर्माण व्यवसायी महासंघका अध्यक्ष रवि सिंहले बताए ।
जलवायु परिवर्तनको मुद्दा उठाउन र बाह्य पर्यटन विस्तारका लागि समेत यो सम्मेलन फलदायी हुने महासंघले बताएको छ । सम्मेलनले काठमाडौं घोषणापत्र समेत जारी गर्नेछ । सम्मेलनमा सहभागी हुने प्रतिनिधिका लागि मङ्सिर ४, ५ र ६ गते रजिष्ट्रेशन अवधि तोकिएको छ । ५ गते नै ‘फाइनान्स कमिटी मिटिङ’, ‘प्रेसिडेन्सियल कन्क्लेभ’ र ‘एक्जिक्युटिभ बोर्ड मिटिङ’ आयोजना गरिँदै छ । यस्तै मङ्सिर ६ मा साधारणसभासहित विभिन्न कमिटीको बैठक आयोजना हुनेछ ।
सोही दिन सम्मेलनका केही सहभागीहरू वसन्तपुर र स्वयम्भूको अवलोकन भ्रमणमा जानेछन् । यस्तै दोस्रो ‘एक्जिक्युटिभ बोर्ड मिटिङ’ र ‘इमर्जिङ योङ लिडर्स’ कार्यक्रम आयोजना गरिने महासंघले जानकारी दिएको छ । मङ्सिर ७ गते गोकर्ण गल्फ मैदानमा महासंघ–इफाप्का गल्फ प्रतियोगिता गरिने भएको छ । मङ्सिर ८ गते नयाँ कार्यसमिति चयन गरी उक्त कार्यसमितिको ‘एक्जिक्युटिभ बोर्ड मिटिङ’ र केही सहभागीका लागि भक्तपुर दरबार क्षेत्रको अवलोकन भ्रमण कार्यक्रम राखिएको छ । नेपालले यसअघि सन् १९९९ मा काठमाडौंमा ३०औं इफाप्का सम्मेलन आयोजना गरेको थियो ।
भक्तपुर, भदौ ६ । नेपाली रेडियो नेटवर्कका प्रवन्ध निर्देशन अमृत अधिकारी ब्रोडकाष्टिङ एसोसिएसन अफ नेपाल (वान) को केन्द्रीय सदस्यमा सर्वसम्मत निर्वाचित हुनुभएको छ । शनिबार र आइतबार भक्तपुरको जर्मन होम्समा सम्पन्न अधिवेशनले अधिकारीसहित कार्यसमितिका सबैलाई सर्वसम्मत चयन गरेको हो । वानको नयाँ अध्यक्षमा भने तत्कालिन कार्यवहाक अध्यक्ष कुमार भट्टराई निर्वाचित हुनुभएको छ । त्यसैगरी बरिष्ठ उपाध्यक्षमा […]
बागमती प्रदेशको सामाजिक विकास मन्त्रालय, रोबोटिक्स एसोसिएसन अफ नेपालको संयुक्त सहकार्यमा प्रोजेक्ट डिजिटल शी नामक कार्यक्रम आयोजना हुने भएको छ ।
यो पाँच दिने प्रशिक्षण हो र यसमा रोबोट निर्माण गर्ने, हार्डवेयर प्रोग्राम गर्ने, थ्रिडी प्रिन्ट र ड्रोन निर्माण गर्ने सिकाइने छ । यो कार्यक्रम काठमाडौँ, ललितपुर, भक्तपुर, दोलाखा, हेटौंडामा सञ्चालन हुँदैछ ।
यस...
काठमाडौं । बार दिवस–२०७८ का अवसरमा कानुन व्यवसायीहरूले काठमाडौंमा प्रदर्शन गरेका छन् ।
बुधबार काठमाडौं जिल्ला अदालत बार एसोसिएसन, उच्च अदालत बार एसोसिएसन पाटन, ललितपुर जिल्ला अदालत बार एसोसिएसन र भक्तपुर जिल्ला अदालत बार एसोसिएसनको अगुवाइमा प्रदर्शन गरिएको हो ।
त्यसक्रममा सर्वोच्च अदालत परिसरदेखि नयाँ बानेश्वरसम्म र्याली गरिएको थियो । विचार गोष्ठी पनि...
भक्तपुरमा रहेका अटोमोबाइल्स व्यवसायीहरुको भेलाले दीपेन्द्र खर्वुजाको अध्यक्षतामा भक्तपुर अटोमोबाइल्स एसोसिएसन गठन गरिएको छ । सात सदस्यीय एसोसिएसनकोे सचिवमा स्वयम्भुरत्न शाक्य, कोषाध्यक्षमा सुरेन्द्रप्रसाद प्रजापति रहेका छन् । सदस्यहरुमा दीपेश बेजू, राजेश कवां, महेन्द्र दुवाल र रामकृष्ण श्रेष्ठ रहेका छन् ।भक्तपुरमा अटोमोबाइल्ससम्बन्धी काम गर्ने सम्पूर्ण व्यवसायीको हकहितको उद्देश्यका साथ एसोसिएसन गठन गरेको अध्यक्ष खर्वुजाले जनाए । […]
मंसिर १३, काठमाडौैं । कोरोना महामारी केही कम भएसँगै अन्य व्यवसायले बिस्तारै लय समाति सकेका छन् । पुष्प व्यवसायले भने पुरानै लय लिन अझै एक वर्ष लाग्ने बताइएको छ ।
कोरोना भाइरसका कारण पुष्प व्यवसायले दैनिक रू. एक करोडसम्मको नोक्सान सामना गर्नुपर्यो । अहिले विस्तारै व्यवसाय सञ्चालनमा आए पनि महामारी शुरु हुनुपूृर्वको जस्तो बजारमा चहलपहल हुन सकेको छैन । भर्खर चाडबाड सकिएको छ ।
अहिले विवाहको मौसम हुँदा पनि आशाअनुरुप फूलको कारोबार हुन सकेको छैन । त्यसैले १६ महीनाअघिको यस व्यवसायले लय समात्न ६ महीनादेखि एक वर्षको समय लाग्ने फ्लोरिकल्चर एसोसिएसन नेपालका अध्यक्ष मीनबहादुर तामाङले बताए ।
उनले भने, ‘कोरोना महामारी अझै हटेको छैन । विश्वासका साथ व्यवसायीले यस क्षेत्रमा लगानी बढाउन पाएका छैनन् । लामो समयसम्म व्यवसाय चलायमान गर्न नपाएपछि २५ प्रतिशत व्यवसायी अन्य पेसामा पलायन भइसकेका छन् ।’ कोरोना शुरु हुनुभन्दा पहिले असोजदेखि फागुनसम्म फूल उत्पादन र विक्री वितरण हुन्थ्यो ।
विश्वभर फैलिएको कोरोना महामारीको एकपछि अर्को लहर आउँदा यस व्यवसायले डेढ वर्षदेखि पर्याप्त आम्दानी गर्न सकेको छैन । त्रासकै बीच लामो समयदेखि बन्द रहेको अन्य व्यवसाय सञ्चालनमा आउँदा पनि यस व्यवसायले गति समात्न अझै नसकेको अध्यक्ष तामाङ बताउँछन् ।
कोरोना अघि सामान्य समयमा दैनिक रू. एक कारोडभन्दा बढी फूलको कारोबार हुने गरेको थियो । गत जेठ–असारमा कोरोना उच्च विन्दुमा पुग्दा मुस्किलले रू. दुई लाखमा मात्र चित्त बुझाउनु परेको अध्यक्ष तामाङ सम्झनुहुन्छ । हरेक वर्ष रू. तीन अर्बको कारोबार गरिरहेको उक्त व्यवसायले गत आर्थिक वर्षमा रू. एक अर्ब ६५ कारोड मात्र कारोबार गरेको थियो ।
विशेषगरी तिहारका लागि सयपत्री र अन्य समयमा सजावटका लागि केही फूल भारतबाट आयात हुने गरेको छ । व्यावसायिक रुपमा ४५० प्रजातिका फूल नेपालमा उत्पादन हुँदै आएका छन् । यस व्यवसायबाट ४१ हजारभन्दा बढी व्यक्तिले प्रत्यक्ष वा अप्रत्यक्ष रूपमा लाभ लिएका छन् । नेपालमा लगभग १५७ हेक्टर क्षेत्रफलमा ७०० व्यवसायीले यसको खेती गर्दै आएका छन् ।
फूलको मागमा आएको वृद्धिसँगै विशेषगरी काठमाडौं, ललितपुर, भक्तपुर, कास्की, चितवन, मकवानपुर, काभ्रेपलाञ्चोक, गुल्मी, पाल्पा, धादिङ, मोरङलगायत ४१ जिल्लामा पुष्पखेती तथा नर्सरी विस्तार भइसकेको छ । नेपालमा २००७ सालदेखि शुरु भएको पुष्प व्यवसाय सहरीकरणको विकाससँगै फस्टाउँदै गएको छ । रासस
