मिर्गौलाको समस्या कसरी पहिचान गर्ने ?

'समयमै पहिचान भए मिर्गौलाको उपचार सम्भव छ'

नेपालमा पछिल्लो समय मिर्गौलाका बिरामीको सङ्ख्या बढ्दै गएको छ। विश्वमा हरेक ५ जना वयस्क व्यक्तिमध्ये एक जनामा मिर्गौलाको समस्या रहेको अध्यानले देखाएको छ।  मिर्गौला रोग सम्बन्धी मुत्युदर वार्षिक रुपमा बढिरहेको छ। २०४० सम्म मृत्युको ५ औँ प्रमुख कारण मिर्गौला हुने अनुमान गरिएको छ। चिकित्सकका अनुसार मिर्गौला फेल हुने समस्या सबैभन्दा जटिल र घातक शारीरिक समस्या मध्ये एक हो। शरीरको मुख्य अंगमध्ये एक हो, मिर्गौला। मिर्गौलाले शरीरमा फिल्टरको काम गर्छ। मिर्गौलाको मुख्य काम भनेको रगतलाई शुद्धिकरण गर्ने हो। यो सबै उमेर समूहलाई हुने रोग हो।