भारतमा पछिल्लो चौबीस घण्टामा कोरोनाभाइरसका करिब तीन लाख सङ्क्रमित पहिचान गरिएको छ । भारतीय स्वास्थ्य तथा परिवार कल्याण मन्त्रालयका अनुसार पछिल्लो चौबीस घण्टामा दुई लाख ९५ हजार ४१ जना सङ्क्रमित पहिचान गरिएको हो ।
भारतीय सञ्चारमाध्यमका अनुसार कोभिड १९ को पहिलो लहर आउँदा गत् सेप्टेम्बर १७ मा सबैभन्दा बढी ९८ हजार ७९५ जनामा सङ्क्रमणको पुष्टि भएको थियो । गत् फेब्रुअरी महिना यता भारतमा दैनिक थपिने सङ्क्रमितको संख्या बढ्दै गएको छ । मन्त्रालयका अनुसार पछिल्लो चौबीस घण्टामा दुई हजार २३ जना सङ्क्रमितको मृत्यु भएको छ ।
