अमेरिका अफगानिस्तानबाट पूरै हटेको केही घन्टापछि आतंकवादी संगठन अलकायदाको नेतृत्वले अंग्रेजी र अरबी भाषामा बयान जारी गरेको बताइएको छ ।
तालिबानलाई सफलताका लागि शुभकामना दिँदै उक्त समूह जिहाद र प्रतिकारको उदाहरण भएको भनी प्रशंसा समेत अलकायदाले गरेको छ ।
त्यससँगै उसले संसारभरि जिहाद छेड्न इस्लाम धर्मावलम्बीहरूलाई आह्वान गरेको छ । कश्मीरमा समेत जिहाद गरी त्यसलाई स्वतन्त्र बनाउनका लागि अलकायदाले आह्वान गरेपछि भारतीय सुरक्षा संयन्त्र सतर्क बनेको छ ।
