प्रचण्ड नेपाललाई ओलीको प्रश्न: राजनीति गर्नुहुन्छ की ज्योतिष शास्त्र पढनुहुन्छ?

प्रधानमन्त्री ओलीको प्रश्न : विदेशीका लागि ‘कम्फर्टेवल’ सरकार बनाउन किन दिने ?

काठमाडौं । प्रधानमन्त्री केपी शर्मा ओलीले अर्काका लागि कम्फर्टेवल सरकार नभई नेपाल र नेपाली जनताका लागि कम्र्फटेबल सरकार चाहिएको बताउनुभएको छ । मंगलबार झापामा पुर्वाञ्चल क्यान्सर अस्पतालको उद्घाटन गर्दै उहाँले अरुका लागि होइन नेपालीका लागि कम्फर्टेवल सरकार चाहिएको र त्यो आफू नेतृत्वको सरकार भएको दाबी गर्नुभयो । केही दिनअघि नेकपा प्रचण्ड–नेपाल समूहका अध्यक्ष पुष्पकमल दाहालले ‘आफू, नेपाली कांग्रेस र जसपा मिलेर सरकार बनाउँदा भारतका लागि कन्फर्टेवल हुने’ भनेर दिएको अभिव्यक्तिप्रति ओलीको आक्रोश थियो । प्रधानमन्त्री ओलीले आफुलाई प्रधानमन्त्री पदबाट हटाए दुई बर्षपछि दुईतिहाइ बहुमत सहित सिंहदरबार फर्कने उद्घोष पनि गर्नुभयो । उहाँले प्रधानमन्त्रीबाट कसैले हटाईहाले पनि अर्को चुनावमा दुईतिहाई मत ल्याउने दाबी गर्नुभएको हो । तर उहाँले आफुलाइृ हटाउन सजिलो नभएको भन्दै हटाएर देखाउन चुनौति पनि दिनुभयो । आफुले कुनै पदका लागि मुद्दा नलडेको भन्दै प्रचण्डमाधव समुहलाई व्यंग्य पनि गर्नुभयो । आफु राजनीति गर्ने व्यक्ति भएकाले न्याय माग्न जनता माझ जाने र जनताले न्याय दिने विश्वास उहाँले व्यक्त गर्नुभयो । उहाँले प्रतिनिधिसभा विघटनलाई खारेज गर्ने सर्वोच्च अदालतको फैसलाको फागुन २३ गते पछि प्रतिनिधिसभाको बैठकमा परीक्षण हुने बताउनुभयो ।