काठमाडौं (अस) । नेपाल एसबीआई बैंकले आईसीएफसी फाइनान्सका ग्राहकलाई आवश्यक पर्ने गैरकोषमा आधारित बंैकिङ सुविधा उपलब्ध गराउन सम्झौता गरेको छ । एसबीआई बैंकका नायब प्रमुख कार्यकारी अधिकृत तथा प्रमुख वित्तीय अधिकृत मोहम्मद रिजवान आलम तथा आईसीएफसीका नायब प्रमुख कार्यकारी अधिकृत अमित श्रेष्ठबीच सम्झौता आदान–प्रदान भएको हो । सम्झौताअन्तर्गत आईसीएफसी फाइनान्सका ग्राहकले नेपाल एसबीआई बैंकमार्फत लेटर अफ क्रेडिट, डकुमेन्ट अगेन्स्ट पेमेन्ट, डकुमेन्ट अगेन्स्ट असेप्टेन्स्, लोकल बैंक ग्यारेन्टीलगायत सुविधा उपलब्ध हुनेछ ।
