काठमाडौं । गत आर्थिक वर्ष २०७९/८० सम्मको मुनाफाबाट हालसम्ममा ११ म्युचुअल फण्डले आफ्ना इकाईधनीहरुलाई प्रतिफल (लाभांश) वितरण गर्ने प्रस्ताव गरेका छन् । अधिकांश फण्डको लाभांश अघिल्लो वर्षको तुलनामा गत वर्षमा बढेको छ ।
लाभांश वितरण गर्ने प्रस्ताव गरेका फण्डहरुमध्ये सबैभन्दा बढी सनराइज फस्र्ट म्युचुअल फण्डले कर सहित १६ प्रतिशत नगद लाभांश वितरण गर्ने प्रस्ताव गरेको हो । अघिल्लो वर्ष भने यस फण्ड आफ्ना इकाईधनीहरुलाई १२ प्रतिशत नगद लाभांश कर सहित वितरण गरेको थियो ।
त्यस्तै दोस्रोमा एनआईसी एशिया डाइनामिक डेप्ट फण्डले गत आवको मुनाफाबाट अफ्ना इकाईधनीहरुलाई १० प्रतिशत नगद लाभांश कर सहित वितरण गर्ने प्रस्ताव गरेको हो ।
त्यस्तै सबैभन्दा कम लाभांश एनआईबिएल सहभागिता फण्डको ४ प्रतिशत नगद लाभांश कर सहित वितरण गर्ने प्रस्ताव गरेको हो ।
यस फण्डले अघिल्लो वर्षको तुलनामा गत वर्षमा लाभांश घटाएको छ । अघिल्लो वर्ष भने आफ्ना शेयरधनीलाई ७ दशलमव २ प्रतिशत नगद लाभांश वितरण गरेको थियो । ११ फण्डहरुमध्ये यस एनआईबिएल सहभागिता फण्ड ,सिद्धार्थ इक्वीटी फण्ड र सिद्धार्थ इन्भेष्टमेन्ट ग्रोथ स्किम २ को लाभांश अघिल्लो वर्षको तुलनामा गत वर्षमा घटेको हो भने बाँकी सबैं फण्डको लाभांश बढेको छ ।
सिद्धार्थ इन्भेष्टमेन्ट ग्रोथ स्किम २ ले अघिल्लो वर्षको मुनाफाबाट आफ्ना इकाईधनीहरुलाई १० प्रतिशत नगद लाभांश वितरण गरेकोमा गत वर्षमा ६ दशलमव ५ प्रतिशतमा झरेको हो । त्यस्तै सिद्धार्थ इक्वीटी फण्डले अघिल्लो वर्ष आफ्ना शेयरधनीलाई ९ प्रतिशत नगद लाभांश वितरण गरेकोमा गत वर्ष ४ प्रतिशतमा झरेको हो ।
प्रतिशतका आधारमा सबैभन्दा बढी कुमारी इक्वीटी फण्डको लाभांश अघिल्लो वर्षको तुलनामा गत वर्ष ४ प्रतिशत वृद्धि भएको छ । अघिल्लो वर्ष फण्डले आफ्ना शेयरधनीलाई कर सहित ५ प्रतिशत नगद लाभांश वितरण गरेकोमा गत वर्ष बढेर १० प्रतिशत पुगेको हो ।
लक्ष्मी उन्नती कोष र कुमारी धनवृद्धि योजनाले अघिल्लो वर्ष लाभांश वितरण गरेका थिएनन् ।
सनराइज फर्स्ट म्युचुअल फण्ड योजनाले आर्थिक वर्ष २०७९/०८० का लागि सनराइज फर्स्ट म्युचुअल फण्डका इकाई धनीहरूलाई प्रतिफल दिने भएको छ । फण्डले करसहित १६ प्रतिशतका दरले हुन आउने रकम १३ करोड ७६ लाख रुपैयाँ प्रतिफल वितरण गर्ने निर्णय गरेको हो । इकाई धनी दर्ता किताब बन्द हुने सम्बन्धी सूचना निकट भविष्यमा फण्डले प्रकाशित गर्ने बताएको […]
आज २ वटा म्युचुअल फण्डको लाभांश सुरक्षित गर्ने अन्तिम दिन रहेको छ । आज भदौ २८ गते एनआईबिएल म्यूचुअल फण्ड अन्तर्गत संचालित एनआईबिएल प्रगति फण्ड र सनराइज क्यापिटल योजना ब्यबस्थापक रहेको सनराइज फर्स्ट म्युचुअल फण्डको लाभांश सुरक्षित गर्ने अन्तिम दिन हो ।यी दुवै योजनाले लाभांश वितरणको लागि भदौ २९ गते बुक क्लोज मिति तय गरेकोले आज भदौ २८ गतेसम्म कायम इकाईधनीले मात्र योजनाले दिने लाभांश पाउँन सक्ने छन् ।एनआईबिएल प्रगति फण्डले इकाईधनीहरुलाई कर सहित ४.२० प्रतिशत लाभांश बितरण गर्ने निर्णय गरेको छ । योजना व्यवस्थापक एनआईबिएल एस क्यापिटलको सञ्चालक समितिको ९९औं बैंठकले आ.व.२०७८/०७९ का लागि एनआईबिएल प्रगति फण्ड योजनाका इकाईधनीहरुलाई कर सहित ४.२० प्रतिशत का दरले हुन आउने रकम रु.३,१५,००,०००/-(रु. तीन करोड पन्ध्र लाख मात्र) प्रतिफल बितरण गर्ने निर्णय गरेको छ। त्यस्तै सनराइज फर्स्ट म्युचुअल फण्ड योजनाले आर्थिक वर्ष २०७८÷०७९ का लागि ईकाइधनीहरुलाई कर सहित १२% लाभांश बितरण गर्ने घोषणा गरेको छ । सनराइज बैंकबाट प्रवद्र्धन गरिएको तथा सनराइज क्यापिटलबाट व्यवस्थापन गरिएको सनराइज म्युचुअल फण्ड अन्तर्गत सञ्चालित सनराइज फर्स्ट म्युचुअल फण्ड योजनाले आर्थिक वर्ष २०७८÷०७९ का लागि ईकाइधनीहरुलाई कर सहित १२ प्रतिशतले हुन आउने १० करोड ३२ लाख रुपैयाँ बराबरको लाभांश बितरण गर्ने घोषणा गरेको हो।
सनराइज म्युचुअल फण्ड अन्तर्गत सञ्चालित सनराइज फर्स्ट म्युचुअल फण्ड योजनाले आर्थिक वर्ष २०७८/०७९ का लागि सनराइज फस्र्ट म्युचुअल फण्डको प्रतिफल घोषणा गरेको छ ।फण्डका ईकाइधनीलाई कर सहित १२ प्रतिशतका दरले हुन आउने १० करोड ३२ लाख रुपैयाँ प्रतिफल वितरण गर्ने निर्णय गरिएको बैंकले जनाएको छ । साथै ईकाइधनी दर्ता किताब बन्द हुने सम्बन्धी सूचना निकट […]
भदौ ८, काठमाडौं । सनराइज म्युचअल फण्ड अन्तर्गत सञ्चालित सनराइज फर्स्ट म्युचअल फण्डले प्रतिफल वितरण प्रयोजनको लागि भदौ १६ गते (एक दिन) बुक क्लोज गर्ने भएको छ ।
योजनाले आव २०७७/७८ को लागि इकाई धनीहरुलाई ५० प्रतिशत नगद लाभांश (कर सहित) वितरण गर्ने घोषणा गरेको छ । सोही प्रयोजनका लागि योजनाले बुक क्लोजको मिति तय गरेको हो ।
योजनाले बुक क्लोजको अघिल्लो दिन अर्थात् भदौ १५ गतेसम्मका कायम शेयरधनी मात्र उक्त प्रतिफलको हकदार हुने समेत जानकारी दिएको छ ।
