नेपालको पानी विदेश निर्यात गर्ने तयारीमा जुट्यो खानेपानी मन्त्रालय

नेपालबाट कतारमा खानेपानी लैजाने विषयमा छलफल

खानेपानीमन्त्री बिना मगर र नेपालका लागि कतारका राजदूत युसुफ बिन मोहम्मद अल हेलबीच मंगलबार भेटघाट भएको छ । खानेपानी मन्त्रालय सिंहदरबारमा भएको भेटघाटमा खानेपानीमन्त्री र राजदूतबीच नेपालबाट खानेपानी निर्यात गर्ने विषयमा छलफल भएको थियो । भेटघाटमा मन्त्री मगरले नेपालको पानी निर्यात गर्ने विषयमा मन्त्रालयले गृहकार्य गरिरहेको बताइन् । उनले नेपालको पानी त्यसै खेर गइरहेकाले विदेश निर्यात गर्ने विषयमा छलफल चलिरहेको जानकारी गराइन् ।