काठमाडौं। नेपाल धितोपत्र बोर्डमा क्रियाशील कर्मचारी युनियनले बोर्ड अध्यक्ष भीष्मराज ढुङ्गानालाई कारबाही गर्न माग गरेको छ । बोर्ड नेपालको पुँजी बजार तथा वस्तु विनिमय बजारको नियामक निकायका रूपमा रहेको,सरकारबाट जारी धितोपत्र ऐनबाट स्थापित, गहन जिम्मेवारी बोकेको एक विशिष्ट प्रकृतिको संस्था भएको उल्लेख गर्दै युनियनले गलत काम गर्नेलाई कारबाही गरी संस्थाको गरिमा जोगाउन माग गरेको हो ।
