जनकपुरधाम : मधेश प्रदेश नेकपा माओवादी केन्द्र संसदीय दलको नेतामा भरतप्रसाद साह चयन भएका छन्। उनी यसअघिको प्रदेशसभामा पनि माओवादी केन्द्र मधेश प्रदेश संसदीय दलको नेता थिए।दलको नेताका लागि शुक्रबार भएको निर्वाचनमा मधेश प्रदेशका गृह तथा सञ्चारमन्त्रीसमेत रहेका साहले ६ मत प्राप्त गरी निर्वाचित भएका हुन्।माओवादी संसदीय दलको नेतामा दावेदारी प्रस्तुत गरेका युवराजप्रसाद भट्टराईले ३ मत पाए। मधेश प्रदेशसभामा माओवादी केन्द्रका ९ जना सांसद छन्।
