.jpg)
चितवन । नवलपरासीको गैंडाकोट नगरपालिका–३ भुजेल गाउँमा निर्मित ३२ ओटा सार्वजनिक शौचालय समुदायलाई हस्तान्तरण गरिएको छ ।
महालक्ष्मी विकास बैंक भरतपुर, हाकिमचोक शाखाको आर्थिक सहयोगमा रोटरी क्लब अफ गैंडाकोटले निर्माण गरेको शौचालय समुदायलाई हस्तान्तरण गरिएको हो ।
शौचालय हस्तान्तरण कार्यक्रममा रोटरी इन्टरनेशनल डिष्ट्रिक्ट ३२९२ का गभर्नर जितेन्द्रबहादुर राजभण्डारी, बैंकका सञ्चालक समितिका सदस्य तथा पास्ट डिस्ट्रिक्ट गभर्नर सञ्जय गिरी, बैंकका शाखा प्रबन्धक वीरेन्द्रकुमार चौधरी, रोटरी क्लब अफ गैंडाकोटका प्रेसिडेन्ट यदुलाल घिमिरे, पास्ट प्रेसिडेन्ट करुण सागर सुवेदी लगायतले मन्तव्य दिएका थिए । क्लबले विद्यार्थीलाई शैक्षिक सामग्री समेत वितरण गरेको थियो ।
