नेपाली कांग्रेसका वरिष्ठ नेता रामचन्द्र पौडेल पक्षका शीर्ष नेताहरूकाे छलफल हुँदैछ ।
प्रकाशमान सिंहको निवास चाक्सीबारीमा दिउँसो २ बजे पौडेल पक्षका नेताहरूको छलफल हुने भएको हो ।
भेलामा पार्टीको महाधिवेशन, क्रियाशील सदस्यता विवाद, सरकारमा सहभागितालगायतका विषयमा छलफल हुने एक नेताले बताए ।
सोमवार महामन्त्री शशांक कोइरालासँगको भेटमा पौडेल पक्षका युवा केन्द्रीय सदस्यहरूले सरकारमा सम्मानजनक सहभागिता हुनुपर्ने नभए सभापति देउवालाई एक्लै सरकार चलाउनु दिनुपर्ने बताएका थिए ।
