थाहा खबर

आषाढ २०७६

पुल निर्माणमा ढिलाइ हुँदा जोखिमपूर्ण यात्रा

ओखलढुङ्गा : सिद्धिचरण लोकमार्गको मिर्चैया–कटारी खण्डमा पर्ने हडैया खोलामा तीन वर्षअघि निर्माण थालिएको मोटरेवल पुल निर्माण नसक्दा ओखलढुङ्गा, सोलुखुम्वु र खोटाङका यात्रुहरु मारमा परेका छन्। १६० मिटर लामो पुल निर्माणमा ढिलाइ हुँदा यस सडक खण्डमा दैनिक गुड्ने सयौं यात्रु र सवारी साधन मारमा पर्दै आएका हुन्। उदयपुरको कटारी ...

पूर्ण विवरण

सम्बन्धित सामग्री

जोखिमपूर्ण बन्दै कमला नदीको काठे पुल

सिरहा । दैनिक हजारभन्दा बढी मोटरसाइकल आवतजावत हुँदै आएको हुलाकी सडकअन्तर्गत धनुषा–सिरहा जोड्ने कमला नदीमा सञ्चालनमा आएको काठको पुल जीर्ण बन्दै गएको छ । वर्षायाम शुरु भएसँगै गत असारदेखि नदीमा पानीका बहाव बढेपछि सिरहा नगरपालिकाले तत्कालका लागि बाँस प्रयोग गरी अस्थायी प्रकृतिको काठको पुल बनाएको थियो । १२ वर्षदेखि निर्माणाधीन कमलाको पक्की पुल समयमा सम्पन्न नहुँदा यात्रु अस्थायी पुलमा जोखिमपूर्ण यात्रा गर्न बाध्य छन् । बर्खायाममा हुलाकी मार्गका यात्रु तथा नदी वारिपारिका दुवै जिल्लाका स्थानीयवासीलाई आवतजावत गर्न सास्ती पर्ने गरेको छ । ‘नजिकैको बजार पनि यतै छ, नातेदार पनि यतै छन्,’ पुल तरेर सिरहा बजार आएका धनुषाको कमला नगरपालिका निवासी अन्सारुल राइनले भने, ‘बिहानसम्म आवतजावत सहज थियो । तर, अहिले दिउँसो पुलमाथिका काठ भाँचिन लागेछन् । स्थानीय युवाले काठका फलेकमा काँटी ठोकेर मर्मत गरेकाले जसोतसो पुल पार गरियो ।’ नगरपालिकाले यही काठको पुल पनि मर्मतसम्भारमा ध्यान नदिएको उनले गुनासो गरे । यात्रुलाई नदी वारपार गर्नलाई नजिकैको अर्को कुनै विकल्प नभएको सिरहा नगरपालिका—६ का वडा सदस्य उमेश यादव बताउँछन् । ‘यहाँको दुर्गति भनेकै यो पक्की पुल निर्माणमा ढिलाइ गर्नु हो । विकल्पको रूपमा आवतजावत गर्नलाई कि त पूर्व–पश्चिम महेन्द्र राजमार्ग मिर्चैया—कर्जना भएर वा सीमावर्ती भारतीय बजार जयनगर पुगेर करीब दुई घण्टा लामो यात्रा गर्नुपर्छ,’ यादवले भने, ‘निर्माणाधीन पक्की पुल बन्छ र सहज यात्रा होला भनेर आशामै बसेको पनि एक दशकभन्दा बढी भइसक्यो । खोइ कहिले सम्पन्न हुने हो कुनै निश्चित छैन ।’ हुलाकी सडकअन्तर्गत धनुषा–सिरहा जोड्ने कमला पुल निर्माण सम्झौता भएको १२ वर्षपछि सञ्चालन नहुँदै दुई वर्षअघि भाँसिएको थियो । विसं २०६८ मा तीन वर्षभित्र पुल निर्माण गरिसक्ने सम्झौता भएको थियो तर पटक पटक म्याद थपेर करीब १० वर्ष लाग्यो । निर्माण कम्पनीले ९५ प्रतिशतभन्दा बढी काम सम्पन्न भई उद्घाटनको तयारी गरिरहेकै बेला विसं २०७८ असार र कात्तिकमा आएको बाढीले पुल भाँसिएपछि पुनःनिर्माणको काम तत्काललाई अनिश्चित भयो । निर्माण कम्पनी लुम्बिनी विल्डर्स कन्सट्रक्सनले आगामी चैत मसान्तसम्म भाँसिएको पुल पुनःनिर्माण गर्ने गरी काम शुरु गरेको थियो । तर, कमला नदीमा बढेको पानीको बहावका कारण पुनःनिर्माणको काम असार नलाग्दै रोकियो । निर्माण कम्पनीका अनुसार तिहार तथा छठ पर्वपछिबाट रोकिएको पुल निर्माणको काम पुनः सञ्चालन हुनेछ। रासस

Aarthik Abhiyan आश्विन २०८०

११ वर्षपछि पुल निर्माण अन्तिम चरणमा

कैलाली । निर्माण शुरू भएको ११ वर्षपछि कैलालीको भजनी नगरपालिका–३ मा पर्ने कान्द्रा नदीको पुल निर्माण सम्पन्न हुने भएको छ । पुलको काममा ढिलाइ हुँदा भोगेको सास्ती अब हट्ने विश्वासमा स्थानीयवासी छन् । पुलको बीचको स्पानको ढलान भएपछि पुल बन्ने आशा जागेको भजनी नगरपालिकाका स्थानीय रुद्र चौधरीले बताए । ‘पुलको काम प्रत्येक वर्ष शुरू हुँदा यस वर्ष काम सकिन्छ भन्ने आशा जाग्थ्यो । बर्खा लागेपछि हालत उस्तै हुन्थ्यो,’ उनले भने, ‘अब काम सम्पन्न हुने देखिएको छ ।’ भजनी नगरपालिका–३ का अध्यक्ष विक्रम चौधरीले पुल निर्माण सम्पन्न हुने अन्तिम चरणमा पुगेपछि भजनीवासीको पुलबाट आवागमन गर्ने चाहना पूरा हुन लागेको बताए । ‘दुई स्पानको काम गतवर्ष नै सम्पन्न भएको थियो । बाँकी रहेको एक स्पानको ढलान भएको छ । एक दशकपछि बल्ल पुल बन्ने भयो,’ उनले भने । विशेषगरी बर्खाको समयमा भजनीका स्थानीयवासीलाई ओहोरदोहोर गर्न कान्द्रा नदीका कारण निकै समस्या थियो । डुंगाको जोखिमपूर्ण यात्रा गर्नुपर्ने बाध्यतामा रहेका भजनीका स्थानीयले डुंगाको सहायता लिएबापत पैसा तिर्नुपर्थ्यो। नदी तरेको पैसा तिर्दै आएका आफूहरू पुल निर्माण भएपछि लाभान्वित हुने स्थानीय दीपक बोहराले बताए । ‘बर्खाको समयमा भजनीका अधिकांश बस्ती बाढी र डुबानमा हुन्छन् । त्यो समयमा गाउँमा कोही बिरामी पर्दा पनि अस्पतालसम्म पुर्‍याउन निकै कठिन हुन्छ । त्यसको कारण कान्द्रा नदी हो,’ उनले भने, ‘पुल बनेपछि समस्याको समाधान हुनेमा आशा छ ।’ १०० मिटर लामो सो पुलको ठेक्का सम्झौता २०६८ जेठ ३१ मा भएको थियो । शुरूको समय डिजाइन परिवर्तनका कारण निर्माणमा ढिलाइ भएको थियो । बिरुवा/लामा/शेर्पा साल्पा जेभीले पुल निर्माणको ठेक्का पाएको थियो । पुल निर्माणका लागि कैयौंपटक म्याद थप गर्दा पनि पूरा हुन सकेको थिएन । रू. तीन करोड ४५ लाख २० हजार लागतमा पुल निर्माणको ठेक्का लगाइएको थियो । पुल निर्माण अन्तिम चरणमा पुगेको हुलाकी राजमार्ग आयोजना कार्यालय धनगढीका सूचना अधिकारी दीपक सुनारले जानकारी दिए । रासस

Aarthik Abhiyan माघ २०७९