नेपाल किन बनेन भन्ने बहस बेला बेलामा चल्ने गरेको छ । बीबीसी नेपालीका दिवंगत पत्रकार सुशील शर्माले पहिले पटक यो बहस गहन ढंगले सुरु गरेका थिए । पछि गएर यो वहसमा रवीन्द्र मिश्र, मुमाराम खनाल, स्वर्णिम वाग्ले, लीलामणि पौडेल, गगन थापालगायत अरु नागरिक समाजका अगुवा पनि यसमा जोडिए ।नेपाल किन बनेन भन्ने बहस बिचबिचमा अहिले पनि उठ्ने गरेको छ । यस छोटो लेखमा यसैबारे गनथन गरिएको छ । म राजनीतिमा मूलतः तीन समस्या देख्छु । पहिलो, नयाँ युगलाई बुझ्न असमर्थ फेजआउट भैसकेको जड नेतृत्व ।