काठमाडौं। नेपाली कांग्रेस दैलेखका पूर्व सभापति जगतजंग थापाको आज बिहान ३ बजे दैलेख अस्पतालमा उपचारका क्रममा निधन भएको छ। स्वर्गीय थापा पार्टीको महासमिति सदस्य, नेपाली कांग्रेस शुभेच्छुक संस्था समन्वय विभागको केन्द्रीय सदस्य, नेपाल बाल संगठनको पूर्व केन्द्रीय सदस्य एवं पूर्व जिल्ला सभापति थिए। नेपाली कांग्रेसको संगठन निर्माण र नेपालको लोकतान्त्रिक आन्दोलनहरुमा उनले सक्रिय भूमिका निर्वाह गरेका थिए।
